قصيده موجهه لشاعر سالم المحمدي

الاخ سعد المحمدي صح لسانك وسلم بنانك
اسمح لي بإعادة تنسيق القصيدة لتزداد جمالاً

قم يانديبـي فـوق غالـي مثاميـن=مـن دولـة اليابـان جابـه وكيلـه
توه وصـل للمملكـة قبـل يوميـن=ياعاشق الفكسـار بـا شـة مديلـه
مصممـه عالـم مضتلـه براهيـن=عليـه مابـه حـا جتـاً مستحيلـه
يحاولون الغرب صنعه مـن سنيـن=وعجز خبير الغرب يصنـع مثيلـه
اقطم خشم يشـدا لفـرخ الشياهيـن=لينصرم مـن رأس عيطـا طويلـه
اليا اعترض ولا عطا يسار ويميـن=مثل الهنـوف اللـي تكـد الجديلـه
لاشافت العاشق مشتله علـى هويـن=قامـت تمايـل خصرهـا وتخطيلـه
وليـا ركبتـه مركبـاً لسلاطـيـن=بعـد المسافـه ماتطلـع حصيـلـه
قدام لا يطلع سنـا الصبـح ويبيـن=عليـه أبرسـل للعـوارف دليـلـه
برسالتـن مضمونهـا يالفهيمـيـن=كـلام سـري مـن زميـل لزميلـه
يأبو طلال اسمع ولا شفـت بالعيـن=وملـف دعوانـا عليـكـم نحيـلـه
أنشـدك مانـي ناشـداً للبعيـديـن=والعلـم مـن راعـيـه ياحبتيـلـه
عن وضع مصفوط الرجال الصفيطين=زمل الحمول اللـي تشيـل الثقيلـه
هـي مقبلـه يافاهميـن القوانـيـن=او مـدبـره ياكاسبـيـن النفيـلـه
عقاب ليل وقبـل صـوت المواذيـن=جاب الخبـر رجـال رافـع شليلـه
يقـول فيهـا راحـو القـوم مقفيـن=الحق وحـل الوضـع بيـا وسيلـه
لامكذبه لامصد قـه بيـن الامريـن=وسقت الركايب بيـن عدلـه وميلـه
بلشت بالصاحيـن قبـل المجانيـن=معادلـيـن الهـيـل بالزنجبيـلـه
ومر وأدهـا كبـت عبيـد لحسيـن=مـدام د م حسيـن نفـس الفصيلـه
اقبـل بعيـد وشفـت قفـو قريبيـن=المشكلـه بالسيـل مـدري مسيلـه
حضي بري ماخمن الهـرج تخميـن=وخير الكـلا م اللـي يقـد م دليلـه
ولديت عيني فـي سمانـا النجميـن=وبكيت مـن جـور الليـال المهيلـه
غابـو وغيبتهـم تهـز المـوازيـن=ولاكل نجمـن غـاب يطلـع بديلـه
ثالثهم اللي وسـد الـراس خمسيـن =وان غـاب فيـنـا لاد ور عقيـلـه
لو الفشـق يالقـرم ملـي الكراتيـن=الفـرق بالبـارود ياهـل الصميلـه
من بعد ماكنا على العـرش واسيـن=ون بيـن لانـاش الزنـاد الفتيـلـه
اليـوم فينـا طامعيـن المساكـيـن=الحمل مـال وكيـف نقـدر نشيلـه
ارسلت لك من ورد خضر البساتيـن=باقه عليهـا غـلاف شاعـر قبيلـه
خلـو عليهـا غلافهـا يالفطينـيـن=لاتروح دعوانـا عريضـه طويلـه
لاتفتحون اقفـال بعـض الدكاكيـن=إن شلـت للمفتـاح جـود مشيـلـه
مايلدغ المؤمن مـن الجحـر ثنتيـن=والبـرق لاقفـأ حسـافـه تخيـلـه
لاعميت عين ولا جرحت الحجاجين=شطرت عن طعن السيوف الكحيلـه
تمت بعون اللي خلقنـا مـن الطيـن=والهرج يكفـي عـن كثيـر قليلـه

الشاعر/سعد المحمدي
تقبل تحياتي