قصيدة الشاعر مانع البدراني في الشيخ فيحان الذويبي

بسم الله الرحمن الرحيم
قصيدة بمناسبة تشريف
الشيخ / فيحان بن ناهس بن فيحان الذويبي الحربي شيخ شمل قبائل بني عمرو ورئيس مركز عطاء
والشيخ / نايف بن ناهس بن فيحان الذويبي الحربي
حفل أبناء سرور بن زامل البدراني رحمه الله في محافظة الرس
***************
بديت بذكر عـلام الغيـوب مفـرج الضيقـات
إلـهٍ مالنـا غيـره عزيـز الملـك سبحـانـه
عزيز الجـاه غفـار الذنـوب مكفـر الـزلات
عسانا برحمته يومـن يـذل إبليـس وعوانـه
بعد ذكره يطيب الكيـف للـي يبـدع الأبيـات
تجيـه أبيـات شعـره بلـولـوه ومرجـانـه
تسابـق لـه معانيهـا علـى سيرتـه بالـذات
وبيوت الشعر للغالي تجـي تنقـاد مـن شانـه
ألا يا مرحبا ترحيبتـن فـي راعـي الطـولات
عدد برقـن يلـوح وصـادق الخيـر بمزانـه
هلا بك يا ولد ناهس هلا بك وبـرك الحـزات
حضورك عندنـا تشريـف للمحفـل وضيفانـه
وثنيها علـى ربعـي أرجـالٍ تبعـد الهقـوات
أرجال العرف وأهل الفعل لا مـن ثـأر دخانـه
لهم في نجد وقفاتٍ تنومـس راعـي الوقفـات
يشوش لفعلهم لا مـن رواهـا العـود بلسانـه
على درب الشيوخ اللي تسابق في زمانٍ فـات
على لطم العدو لا من ركب بالـرأس شيطانـه
على درب أبو هندي راعي الطيب والفزعـات
شجاعٍ ينطـح القـوم لا مـن جتـك فرسانـه
شجاعً عقب أشيوخٍ لهم في ما مضى صـولات
أسودن ما تهاب المـوت لـو كشـر أبنيبانـه
ولا ننسى صليب الرأي يوم أيامهـم غـزوات
بفعلـن باللويصـق مرهبـن كـل عـدوانـه
هذاك محمد أبا الروس سقـم للعـداء لا جـات
تبين أفعال راع الفعـل لا مـن طـب ميدانـه
ومن ينساك يا حجرف يمينك تسبـق المـدات
إلك بيتٍ نهـار الجـوع مـا صكيـت بيبانـه
عليكم رحمة الله يـا شيـوخٍ تجبـر العثـرات
وعسى الله يحفظ شيخنا اللي دايم الطيب عنوانه
سمي العود راع الجود شيخٍٍٍ يعطـي الجـزلات
على ذكره تجي أعذب بيوت الشعـر واللحانـه
ترى من قال مات العود قله شيخنـا مـا مـات
ما دامـه عقـب اللـي لازمـن درب جدانـه
***************
الشاعر- مانع بن عوض بن سرور البدراني الحربي

صح لسان الشاعر / مانع البدراني

وشيوخ حرب يزهاهم المدح


لاهنت يابو فهد على الاختيار

ونعم باخوان نوره باحفاد ملك البادية ونعم باهل اللويصق
شكرا لك

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسان الشاعر / مانع البدراني

ويستاهل الممدوح المدح وكل خير


لاهنت على نقل القصيده الجزله

تحياتى لك

صح لسان الشاعر الراائع / مانع البدراني
وبيض الله وجهك يابن العم الغالي
والله يطول بعمرك
مشاركاتك داائمااا راااائعه
والله يطول بعمر حفيد الشيوخ الطحاطيح
الشيخ /فيحان بن ناهس بن فيحان بن ناهس بن فاجر الذويبي
ويجعله ذخر للقبيله

صح لسانك الشاعر ويستاهل الشيخ
والله يـعـطـيـك الـعـافيـــــــــــة
بيض الله وجهك

شكرا لكم اخواني ابناء حرب الكرام على مروركــــــــــم المشرف