يا هموم الوقت

	المشاركة الأصلية كتبت بواسطة بخيتان البشري

	ياهموم الوقت جودي وابعدي والعمر مـره=مايكفي من شبابي لين صار الرأس شايـب شاب رأسي ياهموم الوقت وإنتي مستمـره=ارجعي يكفيك ماخذتي من سنيني غصايـب الشباب اللي عرفته ما لفانـي غيـر مُـره=كل ماجاني حلاه القاه فـي داخلـك ذايـب إن ضحكنا ماسلينا وإن بكينـا زود حـره=وإن شكينا مالقينا غير مكثـرت الطلايـب البلا فالأدمي لا شـاف شـي مـا يسـره=سكتته فيها العجب والنطق يظهر له عجايب الحيـاة الـوان والأيـام للأنسـان عمـره=إن لقى فيها سعادة وإن لقى هـم وغلايـب والحياة حظوظ والأنسان حظـه كـم غـره=وكم واحد قام حظه واعتلى رؤس الرقايـب وكم واحد في حياته اختلط خيـره وشـره=وكم واحد كف شره حاسب حساب اللهايب مشكلة في حظي اللي منسدح يا كيف اجره=وأعرف إنه مايجمل فاللـوازم دوم غايـب لو نصح ماكان هم الوقت فيّ مربوط سـره=بس ذا مكتوب والمكتوب ماعنـه جنايـب نظرتي مالحق مدها والقدر واجـب نقـره=والله إني للـوازم للخطـر مانـي بهايـب

تسلم ياابومحمد

صح السانك واعتلا شانك وبيض الله وجهك ورفع قدرك

مشاء الله عليك ليسى غريب عليك الابداع اهل الابداع

عساك سالم وغانم ياالغالي والله يعطيك الصحه والعافيه

تقبل تحياتي وتقديري

	المشاركة الأصلية كتبت بواسطة وليف الشوق

	تسلم ياابومحمد صح السانك واعتلا شانك وبيض الله وجهك ورفع قدرك مشاء الله عليك ليسى غريب عليك الابداع اهل الابداع عساك سالم وغانم ياالغالي والله يعطيك الصحه والعافيه تقبل تحياتي وتقديري

يسلم غاليك يابو مُنى

وصح بدبك يالغالي