ياسلامي وبسم الله بسمي

	المشاركة الأصلية كتبت بواسطة الصييفي

	يافهد يا رفيقي لد يمِّي .. ليش يضرب فيوزك من مَقَالَه= رد سيفك و خلِّه في جفيره .. كان تسمع كلامي لد يمِّي كان تسمع هروج اللِّي ينمِّي .. ما يغذي الهروج الا الحثاله= ذا مهبَّى و ذاك اذنه نقيره .. ليش تسمع هروج اللِّي ينمِّي

المصيبه على الديره تعمي//لاحد يقول انا مالي وماله=افهمو زين ياوجيه السفيره//لاحد يقول مخصوصه تعمي
الكلاب اتنابح لو تطمي//نبحها مايجي عوق و محاله=القوافل على الطرقه مسيره//كلها وحده تنبح تطمي

والمعذره على الانقطاع البارح يالصيفي
ومثلك عارف دوامات وحنا بوقت متاخر من الليل

	المشاركة الأصلية كتبت بواسطة فهد عواضه

	المصيبه على الديره تعمي//لاحد يقول انا مالي وماله=افهمو زين ياوجيه السفيره//لاحد يقول مخصوصه تعمي الكلاب اتنابح لو تطمي//نبحها مايجي عوق و محاله=القوافل على الطرقه مسيره//كلها وحده تنبح تطمي والمعذره على الانقطاع البارح يالصيفي ومثلك عارف دوامات وحنا بوقت متاخر من الليل

حياك يا فهد

و كل عنده ظروف

استلم لا هنت:

لا يهمك و لو يلبس معمِّي ..و لو تجي لحيته كبر الشّمَالَه= دور الشَرّ في وسط الجبيره .. لا يغرِّك بلبسه للمعمِّي
للكلاب العقوره حِطّ سمِّي .. داخل التّمر و الا في نخالَه= لين تسمع عقب نبحه شخيره .. جا له الموت في عربود سمِّي