الشيخ منور قال يا قلت قلها

01-04-09, 01:39 PM

السلام عليكم ورحمة الله وبركاته

كلفت من الشيخ منور بن غلاب بن طعيسه امير قبيلة الحصنان با كتابة هذه القصيده وهي مباركة لبن نحيت على حصوله للبيرق وايضا احتفالا بهذا الفوز الثمين

للهرج ناس وللمواقف رياجيل = لنايبات ورفعة الروس ولها
لنايفات العاليه تسرج الخيل =تاصل مواصيل جزال خصلها
خطل اليماني شاربين الفناجيل= ال النحيت اسمى الاسامي نفلها
في مدحهم تجي القصايد زرافيل = تلبسلهم عصم القصايد حللها
تنقاد في مدح الشيوخ الحلاحيل =ابن نحيت وطيب فعله ذهلها
من مجد ماضيهم تفوح المعاميل =وامجاد حاضرهم زياد امتثلها
ماهم شيوخ با القصايد وبا القيل = اشيوخ حرب وجاهل الي جهلها
با السان ابو سلطان عقب المشاكيل = الشيخ منور قال يا قلت قلها
سلام يا نجم ظهر وانور اليل = نجم ظهر فوق الكواكب وفلها
اسم القبيله رافعه فوق للسهيل=والكبد عن بعض المواجع غسلها
عم السرور المملكه كنه السيل = على جميع اجبالها مع سهلها
خل الفرح ينزل عليها شهاليل = وضحا كسبها با الضحى ما ختلها
الاوله مبروك يا نادر الجيل =تستاهل الرايه ومثلك جملها
اسقيتها من منبع كنه النيل =يا جديها يا سهيلها يا زحلها
والثانيه لي لابة تذبح الحيل =متنومسه بزياد والي حملها
متنومسه في فعل راع المواصيل = متى تشرف يا الامير محفلها

01-04-09, 01:48 PM

اخي الشاعر

خالد الحصني مبدع كعادتك

وبيض الله وجهك

وصح لسانك

01-04-09, 02:11 PM

اسم القبيله رافعـه فـوق للسهيـل
والكبد عن بعض المواجع غسلهـا

يا سلام عليك

خل الفرح ينزل عليهـا شهاليـل
وضحا كسبها با الضحى ما ختلها

اسقيتها مـن منبـع كنـه النيـل
يا جديها يا سهيلهـا يـا زحلهـا

يستاهل ازياد بن حجاب

الحقيقه قصيده شيخه با القصيد ما الابيات التي نسخت الا ما احدثت صدى لدي

صح السااااااانك يا خالد مليون

01-04-09, 02:26 PM

يستاهل الدعوة ابن نحبت و ابن طعيسه كفووووووووو

01-04-09, 05:12 PM

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

01-04-09, 07:18 PM

بيض الله وجهك يا خالد شاعر كبير وصاحب ابداع وابعاد كبيره

هنا قصيده قويه في حدث قوي وتكليف امير الحصنان لك با القصيده دليل ثقه وانته اهل لهذه الثقه

ودعوة الشيخ زياد بن حجاب في محلها ويستاهل

القصيده اعجبتني جدا

صح السااانك وبيض الله وجه الشيخ منور بن طعيسه على هذه البادره وهو كقوا لها