حفل تكريم الشاعر زياد بن نحيت بالرياض

من بعض قصائد الحفل التي حصلنا عليها بهذه التغطيه:
قصيده للشاعر العلم لافي بن حمود الغيداني

الموقف الطيب رهني للاجناب=خلاني امشي في قياد المعاريف
وشلون لاجاء من بني عم واقراب = لاوالله الا كتف يدي تكتيف
ماني بناسي موقف حجاب وحجاب=لو طول صمتي فرح اهل السواليف
هديته لي ساقها طيب واعجاب=وانا يشرفني اعجاب العواريف
ياحي والله موقفٍ ماله اسباب=الا طناخة راس راع المواقيف
لياقتنع عطا عطاً ماله حساب=وليامتنع صاحب تصرف وتصريف
كل بماله حر ياولي الالباب=مايلحقه في مايخصه تخاليف
ياما برجوى الاجر من رب الارباب=ماشال هم حساب كثر المصاريف
مايشبهه ابمواقف اعتاق الارقاب=الا عيال اللي حكم نجد بالسيف
ابن نحيت ولابذلك استغراب=طيبه اوراثه واصل ماهو تصانيف
من بيت شيخة لابة ذكرها طاب=يطرخ علمها فوق روس المشاريف
نحايته لاكشر الناب للناب=تاريخهم معروف من غير تعريف
مقدم بني سالم لاجا حزم كلاب=دفانة الركبه الياشيف ماعيف
عون الرفيق اللي من الوقت مرتاب=وعوق الخصيم اللي براسه زعانيف
يرسون بنحور المصايب والاصعاب= مرسى طميه في نحور العواصيف

من قصيدة احمد اصعفق الوهبي :

مدري لا جل الشعر جينا ولا لأهل المسرجاتي=وألا للشاعر وطيب أبوه واليمنى الندية
الوكاد ومقصد الحضار والعلم الثباتي = القدم من دون حرب تدرهم لحوض المنية
لابتي ودروع جنبي واسمي وافخري وذاتي=وأطيب اللي يقلطون ويشربون الشاذلية
والله إن ماهوب أبوي أبوي لاجنب شفاتي=ذكرها وأنا ولدها وافتخر صبح وعيشه
حالف ماتنكف ركابي ولو تيبس لهاتي=فالقصيدة ألا وأنا مجمل مداغيش الحميه
عقب اللي ماينومس عزوته بالطيباتي= يوم كلن يدلي بدلوه وتمطر عقربيه
لأجل حرب وبني سالم والجبال النايفاتي= وأبو طارق راعي الوقفات خيال العبيه

................
قصيدة الشاعر مشعل الفوازي :

جينا معزّة وحب لعالي الهمــــــة= اللي من أجله كرام الناس ملتمــة
زياد لأسمه دلالات يأكدها =الفكر 00 والشعر بعد الدين والذمــة
اسم يشرّف بلاده وين ما وجّه= من قبل ما يشرف بذكره بني عمــه
يحمل رسالة بثقل الهمّ مختومة= والرجل لا من كبر عقله 000 كبر همـه
عن ضيّق الطرح متسامي ومتعالي=قصيدته ترتقي للنجم وتلمــــــــه
حضوره اللي يجسّد روعة أفكاره=خلاّ العقول الكبيرة تلتفت يمـــــه
ما راح يرتاح يوم بشاطي الراحة= لا والله إلا مهم راح بمهمــــــه
الشاعر اللي جروح الامة جروحه=أكد بوقفاته إنه : شاعر الامة
يشوف في مشرق الدنيا ومغربها=مشاهد من قساها يحترق دمـــه
ويفوح ريح البخور بعاطر أشعاره=طيب تشوّق له الاطياب وتشمــه
من مدرسة شاعر الاجيال متخرج=اللي ثمر وعيها كل الوطن عمـــه
حجاب 00 واسمه عن الالقاب يكفينا=اسم كبير يطول المجد ويضمـــه
رمزٍ مشرّف يشع الحرف من نوره=ومنصى كريم دهاه الوقت بملمــة
ويوم الشعر بين تقليدي وترديدي=والناس ما هي بصنع الوعي مهتمــــة
زرع مساحات وعي غير مسبوقة=سبق زمانه بعمر 00 وعانق القمــــة
واللي تتلمذ على أفكاره وطبقها=من الطبيعي حباله تارد الجمـــة
ومن الطبيعي شبل هالليث بأوصافه=يمشي على نهجه المرسوم ويتمــــه
بزياد كنك تشوف حجاب متمثل =بالفكر 00 والشعر 00 بعد الدين والذمـــة

.................
قصيدة الشاعر راشد البيضاني :

ياهاجسي بنخاك مافيها خيار =ابنقض بمعناي ولا ابفتله
شاعر لياجات المواقيف الكبار=لوباب تفكير القصيد مقفله
اليوم مافيها تهاون واعتذار=من شان غالب كل ضرف نجله
غالب وسيع العرف له عندي وقار =من راس عود(ن)قول نعم نحصله
عز الرفيق اللي على ربعه يغار =وقت الشدايد واللزوم تحصله
واخوانه اللي من يمين ومن يسار =لا قل ماجوب الرفيق تكمله
فعولهم تقرا مثل ضوء النهار =من روس قوم(ن) بالفعول مجمله
اقولها ماني محسب ويش صار =يساهلون الطيب ياللي تجهله
ربعي هل النخوه لمن الوقت جار =تاريخهم معروف محد(ن)يجهله
حربي وفاخر بالكبار وبالصغار=وايات حربي لادعاني واصله

......................
وفي ختام الحفل سلمت بعض الدروع التكريميه والتذكاريه كان منها
الدروع التذكاريه :
01 درع تذكاري إهداء للشيخ حجاب ابن عبد الله ابن نحيت يعبر عن مواقفه المشرفة مع أبناء القبيلة وأبناء القبائل الأخرى.. مقدم من صاحب الحفل سعود ابن عبد الله ابن عايض ابن مضيان الظاهري قدمه بالنيابة عنه أبنه الشاعر غالب الظاهري .
02 درع تذكاري إهداء للشاعر المبدع / زياد ابن حجاب ابن نحيت يعبر عن إبداعه في مشاركته في شاعر المليون مقدم من صاحب الحفل سعود ابن عبد الله ابن عايض ابن مضيان الظاهري قدمه بالنيابة عنه أبنه الشاعر بدر الظاهري .
03درع تذكاري إهداء للشاعر المبدع / زياد ابن حجاب ابن نحيت يعبر عن إبداعه في مشاركته في شاعر المليون .. مقدم من الدكتور/ نايف بن باجد ابن مضيان .
4 0درع للمحتفى به قدم من أسرة شبكة الجبل الموقع الرسمي للشاعر النجم / بدر الظاهري قام بتسليمه الاعلامي خالد بن تنباك
5 0درع مقدم من مجالس حرب للشاعر المبدع زياد ابن حجاب ابن نحيت قدمه عضو مجالس حرب / الشاعر مشعل الفوازي
6 0درع مقدم من مؤسس وأدارة وأعضاء منتديات المراوين للشاعر المبدع زياد بن حجاب بن نحيت نظير المشاركه المشرفه له بمسابقة وبرنامج شاعر المليون سلم الدرع نيابة عنهم الاستاذ / ناصر بن عبيد المرواني
06 درع مقدم من منتديات ولد سليم للمحتفى به قدمه علي فريح السليمي
07 درع تذكاري مقدم من ملتقى جماهير شيخ الشعر ونيابة عن كافة اعضاء الملتقى ومحبي الشاعر زياد بن نحيت سلمه بصفه شرفيه الشاعر احمد بن متعب بن ناحل .
8_ 7.درع مقدم من شبكة ومنتديات (شمل حرب) قدمه مشكورا للشاعر زياد مديرها العام الاستا: معلا الفريدي

((الحفل غطي من قبل قناة المختلف وسننوه عن موعد بثه لاحقا ان شاء الله))

ختاما نترككم مع بعض الصور واللقطات من الحفل