النظر

اخواني الأعزا
هذه القصيدة كتبت
يوم الجمعة الموافق
27|1|1430ه
أرجو أن تنال اعجابكمواستحسانكم

آه واعيني أللي كل ما قلت آه=هلت الدمع تبكي ظلم خلانها
والحشى من طعونه ما لقينا دواه=طب طعنات فلبي عند طعانها
من وليفن تغلى لين حالي براه=كن روحي سجينة بامر سجانها
وحالة الجسم تحزن كل عينن تراه=والعواذل تشوف الوضع باعيانها
والذي سم حالي واعتراني هواه=هان نفسي وكن النفس ما هانها
ان تقربت يتغلى ويبدي جفاه=وان تركته حياتي زادت احزانها
ضاع عمري وقلبي ماتبلغ مناه=ومالك الروح عذبها وما صانها
مير من دور التعذيب لازم يراه=يوم نظرة عيونه يطلق عنانها
كل ماشاف طرفه حي يجري وراه= ونظرة الرب في غفلة نسي شانها
ولو تذكر ممات الناس بعد الحياة=عينه أللي تشوف يقر ميزانها
ويقضي العمر كله في صيام وصلاة=وبالحساني يجازي الناس في احسانها

صح لسانك
..
..
أسجل اعجابي بالقصيدة
..
ويعطيك العافيه ..

صح الله السانك


قصيدة عانقة السماء بجزالتها وأبداعها

تحياتي لك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

الاخوان كل من
سالم الفريدي
راعي البل
الحب الباقي
يامن أنار مروركم المشرق
متصفحي المتواضع ويسعدني ما تسطرون
به من عبارات هي بالنسبة لي شهادات أفخر بها
وأقف عاجز عن التعبير عن شكري وامتناني لكم ولجميع
الاخوة في هذا الصرح الشامخ بمن فيه من الرجال الأوفيا وبجهودهم
وتشجيعهم لنا فلم أجد أمامي الا الدعا لكم بأن يحفظكم الله ويوفقكم ويجزيكم
خير الجز انه ولي ذلك والقادر علية
وأرجو المعذرة من الجميع عن
التقصير وتقبلو تحيتي
وتقديري

صح الله السانك