أحسن أسد فينا شجب فالدواوين .................. فلطسين

"
"
"
"
"
"
"
"
"

يابنت ياللي رجالك ِ صابهم هين=عينك عليهم وزفري اليوم ونه
يابنت مالك بين ألأموات تمكين=أبكي .. ونوحي .. وحني للعز حنه
في ما مضى كني عروس السراحين=واليوم شن الثعلب ... الذل شنه
أحسن أسد فينا شجب فالدواوين=و أرسل أطبا والمعونات منه
والبعض منا عقربان (ن) براسين=خايف يدوسه ثعلب الغرب ( ظنه)
يابنت نوحي واسبلي الدمع دمعين=مالك جدا فاللي يحرَق في بنه
يابنت ياللي لقبوك بفلسطين=صبرك على اللي سيف عزك يسنه
بامر الذي دكدك عروش السلاطين=يخسى اليهودي ونار حقده يكنه
أنت عزيزه عزك بعزة الدين=ويصحى عشيقك لك وتهوج جنه
عاشق يرد المجد في يوم حطين=يرقص على صوت الكلاشي ودنه
دمه مهركِ واعرفي له خيارين=نصر (ن) عزيز أو فوز بنهار جنه