سم باسم الله وادخل لاتخاف من المحاور، مسموح مشاركة اكثر من شاعر مرة او اكثر

	كل عام وأنتم بنعمة الإسلام في صحة وعافية ويركات من الرحمن الرحيم الحمد لله الذي بلغنا واياكم شهر رمضان أعوام عديدة وأن يجعلنا جميعا من صيامه وقيام فيه بالعـبادة واعمال البر والتقوى وأن يجعلنا ممن يقرؤون كتاب الله الكريم وممن يتدبرون معانيه ويعملون بما امر الله ورسوله وإجتناب مانهى الله ورسوله طاعة لله ومرضاته 0 آمـيـن <<<>> آمـيـن <<<>>آمـيـن

صحت السنتكم
الوعد بعدالعيد اطلع الشاعر من المستشعر

	عيدكم عيد مبارك=بارك الله في الجميع كل زاير أو مشارك=عندنا شخص رفيع *************=************* تقبل الله منا ومنك الصيام والقيام عساكم من عواده اعوام عديدة

في بلادي نحمد الله كل خير(ن) فيه وافر=من شكر لله يزيده بارك الله في رواجه
الطحين والرز ومشتق اللبن مع العاصير=والمهم لازم نساعد كل فقير(ن) واحتياجه

بيض الله وجيهكم

مجاراه رااائعه

وفيها التكرار

كما فيها عدم الوزن

وفيها تجاوزات في الألفاظ

ونحن نريد ان نستفيد من بعضنا فيما يسرنا وينفعنا

والشعر ادب وان كان مصدره العقلاء اصبح دروس نافعه

والله يعطيكم العافيه على محاولاتكم ومجهوداتكم

ومشكور اخي صاحب البدع والفكره ابوبندر الرشيد

تقبلوا اجمل التحايا

ودمتم بخير

	[اقتباس من مشاركة=ابن خيرالله الردادي;393635] بيض الله وجيهكم مجاراه رااائعه وفيها التكرار كما فيها عدم الوزن وفيها تجاوزات في الألفاظ ونحن نريد ان نستفيد من بعضنا فيما يسرنا وينفعنا والشعر ادب وان كان مصدره العقلاء اصبح دروس نافعه والله يعطيكم العافيه على محاولاتكم ومجهوداتكم ومشكور اخي صاحب البدع والفكره ابوبندر الرشيد تقبلوا اجمل التحايا ودمتم بخير

	*!*!*!*!*!**!*!*!*!*!*!*!*!*!*!*!* لوحة الشرف للمشاركين في هـذا الموضـوع مـع شكـر وتقديـر الشـاعـر الفـتـى : ابوبندر الرشـيد *!*!*!*!*!**!*!*!*!*!*!*!*!*!*!*!*

سم باسم الله وادخل لاتخـاف مـن المحـاور=لاتخاف من الشعر هـذا شعـورك واختلاجـه
كـل مـن عبَّربمعنـى بالوزن ينقـال شاعـر=المهم إحفظ لسانك وأصلحـه عـن اعوجاجـه
قلت بسم الله وسمـع صوتنـا فـوق المنابـر=مايخاف الشعر واحـد مقصـده فلـة حجاجـه
حسب ماقالوا لنا في الشعر تفسيـح الخواطـر=ومـن يدورللمعالـي جابهـا مافيـه حـاجـه
الله اكبر والله اكبـر والله اكبـر ويـش خابـر=لاحديث الترمـذي ولا احاديـث ابـن ماجـه
يافتى فكرة جديدة والهـدف نبـض المشاعـر=والشعر معنى ومغنى وابتعـاد عـن السماجـه
شايـف الدنيـا تغيـر كـن مافيهـا ضمايـر=البحر مرجوج موجـه موجتـه فيهـا لجاجـه
الله اللي قـد خلقنـا ومايشـاء لابـد صايـر=لو توكلنا علـى الله كـان عطانـا كـل حاجـه
للشِّعِر و اهل الشِّعِر تفتـح دواويـن و معابـر=لين كلّ(ن) يصرف رياله حسب بصمة مزاجـه
الشِّعر بعض العرب وارثـه مـن كابـر لكابـر=وبعضهم جاه الشِّعِر طايع مطيع و لبس تاجـه
ياهني اللي على طاعـة عظيـم القـدر ثابـر=ومن يطيع الله عرف عن ضيقة الصدر انفراجه
ياجماعة خير قبل ان صيـر ببطـون المقابـر=كل ذو عقلن حكيم يعـرف بالممشـا خراجـه
سم بالرحمـن وان ضيعـت بالـك لاتكـا بـر=المكابر شين لاصـار ان بنيـك مـن زجاجـه
لـو يـورا لـك بشبـرك لاتمـده للمشـابـر=ون بلوك الناس خلك ذيـب لاجيـت المواجـه
الرجال اهل الفعايـل حسـب ماقالـو مخابـر=والغشيم اللي مايعرف هرجتـه دايـم سماجـه
ومن يدور للخبر يلقاه لـو مـع طيـر طايـر=والمريض لزوم نسعي لين نلقـي لـه علاجـه
و كل شي بدبـرة الخالـق، و دورات الدوايـر=علمتنـا ان بعـد الليـل للـنـور انبـلاجـه
و من بغى يدخل غزير الرمل يفطـن للتوايـر=و ان هلش بالرمل فوت الحرص قام ومد صاجه
مايقال للشاعـر شاعـر الا لا جـاب النـوادر=بعض العرب قصايدهم كلهـا خبـث وسماجـه
وانتـم والله ياهـل الملتقـى كلـكـم اكـابـر=مافيكم اللي يرضـى علـى نفسـه الانعواجـه
ارجعوا لله وتوبوا مـن الِّربـا وكـل الكبايـر=مـرت سنيـن ولا جانـا مطـر إلاَّ عجـاجـه
يارحـيـم يامغـيـث ياعلـيـم بالـسـرايـر=طالبينك غيث (ن) خيره عام في كـل الفجاجـه
العرب قالوا تري راع الغنم في الوقـت صابـر=صابر لحكم الله الواحـد ولـو راحـت نعاجـه
يرقب امزون المخايل واجبر الخاطـر ياجابـر=حيث لاطاح المطر تسمـع لفرحتهـم لجاجـه
شاعري ما يكسر بيوته و لا يجـرح مشاعـر=و القوافي ما تكرر و الشعر نبـض(ن) يواجـه
الشعر معنى، و طاروق، و تعابيـر، و محابـر=الشعر مهوب صف حروف و مطـارد عَجاجَـه
يا جعل مدور الفتنـه بيـن العـرب للخناجـر=واللـي يطفيهـا ياجعـل مايطفالـه سراجـه
الافكار خافيـه بالـراس وتظهرهـا الحناجـر=ومن كلام الشخص تعرف مسلكـه ومنهاجـه
للأسف بعض العرب يحتاج توظيـب الشنابـر=و المريب يقول: خوذوني، و يظهر من قراجـه
بعضهم ماله و ما للشِّعْر، مـا للكسـر جابـر=ليته يعـدّل بيوتـه قبـل لا يبـدي انزعاجـه
يالربع عودوا لموضـوع القصيـدة و المثابَـر=يكفي اللّي جا، و خلوا عنكم البيـر و هماجـه
الكـلام الزيـن بالميقـاف يقطـع كـل دابِـر=و يبعد اوهام الفِكِرْ و يخلّصِـه مـن إزدواجـه
ديننـا الإسـلام وحدنـا قبايـل او عشـايـر=والسعيد اللي علـى سيـرة محمـد وانتهاجـه
ومملكتنـا وحدتنـا وكـل يـوم فـي بشايـر=ونحمد الله في السعوديـه سعـاده وابتهاجـه
ما يعيش اليوم عيشة عز يكـود المغامـر=ا لفطين اللي يجرّب و يتفحَّص كـل حاجـه
الرجل كالعُود الازرق و الحياة إهي المجامر= تصهر الرجّال حتي يعطي اقصـاه بنتاجـه
الله الستار وغيره ما يصـح نقـول ساتـر=المهم إخلص لربك صلْ في ليلـك وناجـه
إطلبه يعطيك ما تطلـب كبيـرة او صغايـر=وإن عطاك الخير لاتبخل على أصحاب حاجه
فيه فرق(ن) بين غَنَم نجد و صغـار البرابـر=مثل فرق قرا اقرن الخرفان و عيال الدجاجـه
والد(ن) ما خلّف رجال بحياته مـا لقـى بـر=و لا حد(ن) يسمعْ بَعَد ما يصدر الحكم احتجاجه
مابكل(ن) عارف(ن)فرق الفحل عن المغاتر=والفهيم اللي الى هاج الفحل يحذر هياجـه
الفهيم اللي لأهله دايم(ن) يسـأل يشـاور=والغشيم اللي تكبر دايم(ن) رأيه هواجـه
يابوبندر شفت لـي نـاسٍ علـى نـاسٍ تناتـر=والغلط ممنوع والمضمار لايقـرب سياجـه
مايواكـب رحلـت الميـراج ركـاب المـواتـر=مايقود السرب وقت الحرب ياكود الخواجه
ليش اهل غزه مقفل حولهم كل المعابر=صبرهم على البلاوي علْ بعدها انفراجه
النصر للمسلم اللي واثـق بالله صابـر=بعد طول الليل جا النصر قرب انبلاجه
دام مضمار السبق مصيون لو جا الحيل فاتر=لا يهمك من تكلم و البلـد تاسـع فجاجـه
كل يوم يجيك علم ابلج و أخبار(ن) تواتـر=لكن اخذ التمر و ابعد يا رفيقي عن خماجـه
جيت ثم سميت ثـم صليـت فـي عـدة منابـر=رافع(ن) راسي وباسي يودع العاقل دجاجه
وانت يلي تـزرع الفتنـه وتنظـر بالمخاطـر=يعرف الرجال من هرجه قبل يعقد حجاجـه
يالربع خلّوا الرَّكِبْ يمشي ولا تحفوا الاظافـر=وراع أجا يرقا أجاه و صاحب سواج لسواجه
و الغبار الى ارتفع ثِمْ راجْ من ضرب الحوافر=بآخرتها تصير بامر الله عوافـي و اندراجَـه
الشعر قول(ن) ومعنى وكل شاعرسرغاير=مايغوص البحر اللي في رجوله انعراجه
الله اللي خالق الأكوان والأفلاك ساير=ماخلقه الله جميل(ن) وماتجينا انحراجه
في بلادي نحمد الله كل خير(ن) فيه وافر=من شكر لله يزيده بارك الله في رواجه
الطحين والرز ومشتق اللبن مع العاصير=والمهم لازم نساعد كل من يحتاج حاجه

0