اكلت تمر رهاط مع خبز مكه

تسمعوا من فيض هيض المشاعر= اللي يصخرها على الكيف شاعر
و الجن باطن صح و الانس ظاهر=بسم الله الرحمن و الحمد لله
قوم ياصياف ماعاد للمقعد لزوم=إخذها من كف صاحبك و إلا هاتها
نبأ نغني معك قافٍ مخصص=قافٍ على سبع المعاني مرصص
و اللي يزودها لابده ينقص=بسم الله الرحمن و الحمد لله
ضقت يالحربي و طيرك يطير و لايحوم=مار خل السر بين العصا و لحاتها
أقرأ عليه أن كان عندك قرايه=لاتترك الكامل على شان سايه
و أن كان تبغى علم ماله نهايه=بسم الله الرحمن و الحمد لله
ياعتيبي روح هات السوالف و العلوم= و أنتبه تهجم على القوم في غيباتها
ماعاد يبقى غار شركة سمارك=آخر كلام الله يزيد وي بارك
لكن اشوف إشعيل فالريع بارك=بسم الله الرحمن و الحمد لله
الكراسي جاهزه للذهاب و للقدوم= اترك السيارة اللي غدت لوحاتها
اقضب حدودك لاتهدد عليه= ياللي نشب حبلك في راس المطيه
قدمك قطن و اللي خلافك طميه=بسم الله الرحمن و الحمد لله
لو خلطنا مدركه و الشرايع و الجموم=مانعرف أهل السمك غار بلحياتها
يالايمي عساك تبلا بمجنون =يلف راسه مثل لف الدركسون
و أن صارت الايام من دون في دون=بسم الله الرحمن و الحمد لله
نحمد الله حضنا في مواقفنا يقوم=ماحسبنا حسنة القوم من سياتها
السيل مع كل الديار إيتنحى= و البرق يبرق و الغنم فالمضحى
لقيت لي غبه و لا أحدٍ سبحى=بسم الله الرحمن و الحمد لله
الصداقه بيننا يالعتيبي ماتدوم= لو حرب اهل المدينه صفت نياتها
اكلت تمر رهاط مع خبز مكه=و تاكل في خمس ايام كيسين بكه
وراحت جنوبك مثل جنب البلكه=بسم الله الرحمن و الحمد لله
أنت ضيعت الشجاعة و شالوها الرخوم=أكثر العربان لو فاتته مافاتها
أنا أعرف انك كنت ما أنت بكذيا= و من الغضب زادت علاك الحميا
قلنا سلام و قلت يا ابا الثريا=بسم الله الرحمن و الحمد لله
الصداقه بيننا ملحها فرك الخشوم=و أرضكم سود العقارب كلت حياتها
الحمد لله ماسرقنا الطعامي= و لاخشرنا مع هذاك الحرامي
ياللي تعشيت البعير التهامي=بسم الله الرحمن و الحمد لله
الشجاعة عندنا يوم توريد السهوم=يارجالٍ تاخذ الرأي من عياتها

شعراء عمالقه
صحت السنتهم وبيض الله وجهك على النقل

ورحمة الله على شاعر الخليج / صياف الحربي

محاوره من الوزن الثقيل

الله يرحم صياف ويغفرله

والله يعطيك العافيه

بيض الله وجهك على هالمحاورة وماقصرت
يالــــــــــــــــــغالي

	الله يـعـطـيـك الـعـافيـــــــــــة على الاخـــتيار المــوفــق وصح لسان قايلها وناقلها بيض الله وجهك

تسلم ياحميدان

على المحاوره

رحم الله شاعر الخليج صياف الحربي


وبااااارك الله فيك ياحميدان على النقل