قصيدة(( مشعل ))

	المشاركة الأصلية كتبت بواسطة علي هليل الحربي

	أقدم لكم هذه القصيده على أمل أن تحوز على رضاكم قالوا حزين وقلت حزني طبيعه=جوري على بعض المشاريه راحه الحزن رحمه لابلتك الفجيعه=وقلب الرضى ترضيه بعض السماحه الوقت جاير والليالي سريعه=ولاعاد للتفكير فيه استراحه وقتٍ مضى بالصدر فرحه بديعه=بين القلوب البيض سر انشراحه لاجيتهم همك يولي جميعه= معهم يطيب القلب بظلال واحه وسع الفيافي للقلوب الوسيعه=قبل الكلافه والعتب والنصاحه واليوم جدران الوناسه صديعه=لو رمموها بالسفر والسياحه بالناس ياكثر الطمع والقطيعه= وياقل من تلقى بعقله رجاحه السن يضحك والضماير وجيعه=والقلب عيَا الهم يطلق سراحه كم واحدٍ يخفي صفاتٍ شنيعه= ولكل نعمه جاهزٍ في سلاحه هذا من النكران يجزى الصنيعه=وهذا ضحية من حكى له وزاحه باسباب منهو بالمفارق ربيعه=وقلوب غيره منه تشكي جراحه نقلت همه بالضماير وديعه=ولقيت ضره في محاني مراحه دورت له بالذاكره لوذريعه=لقيت فزعاتي له بكل ساحه همه يزود الكره مع كل بيعه=وكلٍ حسب كرهه يقدر نجاحه من مذهب السنه وبه طبع شيعه=وهذا هو الي زوَد امره فداحه الوجه صورة قلب غيبه يذيعه=بابلغ لغه لاهل الشعر والفصاحه قريت سطرٍ فيه عبره فضيعه=كذب وحسد بشعور نقص وشفاحه واخذت سجه مع هجوسٍ مريعه=فيها قضيت الليل لاول صباحه وعاهدت نفسٍ في وفاها شجيعه=اشوح كفٍ شد كفي وشاحه ان طاع ولاَ الوقت والله ماطيعه=لواتصفق في مصافق رياحه واوصيت بامرالله وحفظ الشريعه=يعمل بها مشعل على الله صلاحه ترى الفرايض عند ربك شفيعه=وعندك حديث المصطفى في صحاحه ومن المنازل خل دارك رفيعه=ترى الطمان السيل هدد طياحه بعض المعادن يعجبك من لميعه=شاور عليه الي يضفك جناحه ان صار من جنس الذهب لاتبيعه=جوَد يدينك فيه تلقى فلاحه وان كان من غيره تراها هزيعه=يامعرَب الجدين مابه رباحه وخاطر عمامك قدمه بالطليعه=وعودٍ تبلواه الزمن ماستباحه ونفسٍ تردك للاهانه دنيعه=ان عودت للدبج عافت قراحه من نزعة الحاضر لحد النزيعه=لقحتها خاطر خطيرٍ لقاحه

الشاعر علي بن هليل الحربي

صح لسانك كفيت ووفيت ونصحت وابدعة ولا يستغرب منك الابداع والكلام الجزل
تسلم وتدوم يابو مشعل تقبل اعجابي

ياسلام على الابداع

بيض الله وجهك اخي الشاعر علي بن هليل الحربي

وصح الله لسانك

قصيده رائعه ودره من الدرر في النصح والابداع

لله درك

والله يصلحه وعلى الدرب القويم يهديه

ويعطيكم العافيه
تقبل تحياتي
وكل عام وانتم بخير

	المشاركة الأصلية كتبت بواسطة ابن خيرالله الردادي

	ياسلام على الابداع بيض الله وجهك اخي الشاعر علي بن هليل الحربي وصح الله لسانك قصيده رائعه ودره من الدرر في النصح والابداع لله درك والله يصلحه وعلى الدرب القويم يهديه ويعطيكم العافيه تقبل تحياتي وكل عام وانتم بخير

الأخ العزيز الشاعر الكبير

ابن خير الله الردادي

تشرفت بمرورك وإطلاعك على القصيده وزادني شرف إشادتك التي أعتبرها

وسام على الصدر من شاعر بحجم أبو سامي

تقبل تحيتي وتقديري

	المشاركة الأصلية كتبت بواسطة علي الحصني

	الشاعر علي بن هليل الحربي صح لسانك كفيت ووفيت ونصحت وابدعة ولا يستغرب منك الابداع والكلام الجزل تسلم وتدوم يابو مشعل تقبل اعجابي

الأخ الشاعر العلم

علي الحصني

أشكرك جزيل الشكر على المرور والإطلاع على القصيده

وجميع ما ذكرت من كلام طيب أعتبره وسام فخر أعتز فيه لأنه من شاعر علم

بحجم ومكانة علي الحصني

تقبل تحيتي وتقديري