عيت تخليني وانا ضقت منها

السلام عليكم ورحمة الله وبركاته
اخواني اعضاء ملتقى حرب يشرفني ان اضع هذه المتواضعه بين ايديكم وامل ان تحوز على رضاكم

الضيقه اللي لازمتني لها ايام=عيت تخليني وانا ضقت منها
كتمتها كتم اللذي خاف الاعدام=له فعلتن ماتدري الناس عنها
ذبح ثلاث اخوان من كره واجرام=وتاب بخفا والعافيه ماضمنها
وإليا تذكر فعلته في تندام=يخاف نبش الجثه اللي دفنها
يضيق يتعب يسهر الليل مانام=يبغى حلولن لو لقاها زبنها
واليا غفا قامت توارده الاحلام=غير الهموم اللي بصدره خزنها
كم ارثت في داخل القلب ميسام=مع الطعون اللي زمانه طعنها
خليتها بالصدر تمشي من الشام=لاشرقها لاغربها لايمنها
ماخفيتها خايف ولاني بضلام=خوف من الشمات يمسك رسنها
اللي علا الطلات ماعنده اعظام=والا الرديه مابتحل في ثمنها
والله يجلى الضيقه اللي لها ايام=عيت تخليني وانا ضقت منها

صح لسانك
وعلا شانك

ماخفيتها خايف ولانـي بضـلام
خوف من الشمات يمسك رسنها


ااحمد الطريسي بيض الله وجهك وصح لسانك


الشعر ابتكار ودمج صور وابداع خيالي رائع


ويعجبني من يصور الصور من خياله هو وابتكاره مثل مافي البيت اللي اقتبسته


لله درك يالبناخي

الطريسي



صح السانك قصيده طيبه من وجه طيب لا هنت وبيض الله وجهك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانك
..
..
أسجل اعجابي بالقصيدة
..
ويعطيك العافيه ..

أحمد الطريسي


صح لسانك وسلم بنانك

متاااااابع لما تكتبه

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

هاض الضمير وشرعت روس الأقلام=للشاعر اللي مفرداته وزنها
يااحمد بدعت القاف واحكمته إحكام=وحشو المعاني شمت يالذرب عنها
صح الله لسانك على طول الأيام=واسلم سلمت من الهموم وفتنها

دم بعز وتقبل إجلالي