سلام الله سلامٍ طار من صوب الشمال وجاك

سلام الله سلامٍ طار من صوب الشمال وجاك = تحـره يالسحيمـي بالشبكـه العنكبوتـيـه
لوانك مت ياراشد نبي نبكي علـى فرقـاك = وندفـن جثتـك بيـن المدينـه والحناكـيـه
هلا يامرحبا حي السلام ومرسله حيـاك = تبي تستقبله كـل أجهزتنـا الالكترونيـة
أنا يالهاب لو أموت مالي حاجة في ابكاك =ولا أدري لو دموعك كلها ماهي حقيقيـة
انا مالي بموتك مصلحه جعل الردي يفداك = علامك متهمني وانت ماتـدري وش النيـه
عساك تعيش ميت عام والموضوع مايخفاك = ابي هذي وابي هذي وابي ذيه وابي ذيـه
تراني مادخلني شك في مثلك وفي شرواك =ولاني ناظر الا فـي الملفـات الاساسيـة
تبي هذي وذيك وذيك شاور ذاك وأنشد ذاك = أكيد ارباح الأسهم داخله فيهـا الحروميـة
ترى ماينجح المشروع لين اصير انا وياك = نبيع ونشتري بالسوق والعملـه سعوديـه
انا مديت لك يمناي وانته مد لـي يمنـاك =عسى ربي يجيب الحسنه اللي تدفع السيه
سنونك بيض ما يحتاج لافرشه ولا مسواك = أكل بالناب والأضراس وأضحك بالأمامية
توصيني عن النسيان وانا مستحيل أنسـاك = معك ما يثبتك للكـل وأوراقـك نظاميـة
انا يا صاحبي ربي عطاني خير وانت أعطاك = يابو رامـي بـلاش الحركـات البهلوانيـه
اشوف أسمك كبير وقلت ما شاءالله من سماك = بالانتر والصحافـه والمحطـات الفضائيـه
أنا كيف استفزك وأنت مثل سلاحي الفتاك = لا حاسدكم ولا شخصيتي فيها ازدواجيـه
أكيد اللي مسميني قبيلة حرب دون إرضاك = ياليتك شفت يوم اقطّـع ايديـن الحراميـة
جزاك الله خير ووجه سلاحك على مرماك = وحنا مانحط الميتـه فـي صـورة الحيـه
الياء سموك حرب الله يبارك لك بكل أسماك = وانا اللي جبتها بالعنـف ماجتنـي وراثيـه
مشينا بالبدايه مع بعضنا وختلف ممشاك = تقول انا تخالفنا علـى ختـم العموديـه
اخاف تحدني بالعلم وحدك على قصياك = وهذا شرط من ضمن الشروط الاخترافيه
يازين العقل والحكمه ياطيب الوعي والادراك = وانا لازلت مانـي معتـرف لـك بالاحقيـه
ابااشهد عليك الناس مـن ذولا ومـن ذولاك =ولابينـي وبينـك لاشـروط والا اتفاقـيـه

لاهنت الله يعطيك العافيه

مشكور يبن فرهود على نقل هذه المحاورة الرائعة ولك السؤال هل هذه في حفل ولا عن طريق النت

صح لسانك والشاعر

سلمت يمينك ع الاختيار الجميل