بمناسبة فوزالنصر طاروووووووووووق !!

	المشاركة الأصلية كتبت بواسطة الصييفي

	هلالنا فوق راس الغير دايم بدر= وغيره يعود لذبوله صح ماهو خطا حنا مغنّ الرجوله و الدلال الصفر= ما احنا حقاوي و فوله صح والا خطا؟

بس النصر كوكب(ن) عالي وأنتم حدر = عملاق ماحد(ن) يطوله صح ماهو خطا
لا والله إلا الرجولة جنبت من عصر = نعرف الهلالي بزوله صح مدري خطا

	المشاركة الأصلية كتبت بواسطة جساس

	بس النصر كوكب(ن) عالي وأنتم حدر = عملاق ماحد(ن) يطوله صح ماهو خطا لا والله إلا الرجولة جنبت من عصر = نعرف الهلالي بزوله صح مدري خطا

الفرق واضح ما بين المد هو و الجزر=مثل المطر و الطلوله صح و الا خطا؟
المرجلة ما نقيسه بالنشا في الغتر= المرجله له أصوله صح ما هو خطا

	المشاركة الأصلية كتبت بواسطة الصييفي

	الفرق واضح ما بين المد هو و الجزر=مثل المطر و الطلوله صح و الا خطا؟ المرجلة ما نقيسه بالنشا في الغتر= المرجله له أصوله صح ما هو خطا

صح لسانك واستلم الله لا يهينك :

الفرق دايم لصالحنا بشتى الصور = والنصر ما أنتم بحوله صح ما هوخطا
المرجلة ما تجيكم ياوجيه الفقر = ياشباه ناس معلوله صح ما هو خطا

	المشاركة الأصلية كتبت بواسطة جساس

	صح لسانك واستلم الله لا يهينك : الفرق دايم لصالحنا بشتى الصور = والنصر ما أنتم بحوله صح ما هوخطا المرجلة ما تجيكم ياوجيه الفقر = ياشباه ناس معلوله صح ما هو خطا

هههههههههه
يظهر الملتقى كله نصراويه،
لكن لا مشكله
ماهر ابو خالد
طير حرب
الجرح
مشكورين و شرفتونا
و تستمر حرب البسوس
ههههه
استلم يا جساس لا هنت:

من بعد جبر الخواطر سال دمع و عِبَر= و طاح البَعَضْ و اخْذْ طُولِه صح و الا خطا؟
ما به مراجل تجيكم من حظيرة دِشَر= من هامته لَي رْجُوله صح ما هو خطا

	المشاركة الأصلية كتبت بواسطة الصييفي

	و تستمر حرب البسوس ههههه استلم يا جساس لا هنت: من بعد جبر الخواطر سال دمع و عِبَر= و طاح البَعَضْ و اخْذْ طُولِه صح و الا خطا؟ ما به مراجل تجيكم من حظيرة دِشَر= من هامته لَي رْجُوله صح ما هو خطا

وتستمر ..
يالصييفي استلم :

من بعد جبر الخواطر شفت دمك قطر = ياثقلها من حمولة صح ما هو خطا
أنتم لكم منظر(ن) دايم يشوق النظر = وأنت تعرفنا فحوله صح ما هو خطا

	المشاركة الأصلية كتبت بواسطة جساس

	وتستمر .. يالصييفي استلم : من بعد جبر الخواطر شفت دمك قطر = ياثقلها من حمولة صح ما هو خطا أنتم لكم منظر(ن) دايم يشوق النظر = وأنت تعرفنا فحوله صح ما هو خطا

تلقى الغزيزة بنادي النصر يرد الجفر=و بالدَّين يملا حثوله صح ما هو خطا
و مسوي(ن) بين ربعه مثل بلدة قطر=يكبِّر اسمه بدوله صح و الا خطا؟

	المشاركة الأصلية كتبت بواسطة الصييفي

	تلقى الغزيزة بنادي النصر يرد الجفر=و بالدَّين يملا حثوله صح ما هو خطا و مسوي(ن) بين ربعه مثل بلدة قطر=يكبِّر اسمه بدوله صح و الا خطا؟

إستاذي العزيز الصييفي شرفني اللعب معك ، أشكرك من كل قلبي
وأتمنى أن تسامحنى إذا ورد مني أي خطأ والختام واستلم هالبيتين والختام عندك :

وجهة نظر وأنت مثلي وإلك وجهة نظر = والكل مسرج خيوله صح ما هوخطا
أخير من هرجنا هذا صلاة السحر = العلم هذا محصوله صح ما هو خطا