./ سلام وتحية للجميع ./

ابن العم / حميدان

لاهنت

ومشكور على

ثناءك الجميل

لا عدمتك

	المشاركة الأصلية كتبت بواسطة بندر العوفي

	.. الله .. الله .. وسيع ابطان بس الزند لا يقرب من الصوان=تراني معتبرها دلةٍ بالهيل فوّاحه حرمك الله من البكْر وزرقت الحرمه أم ورعان=أَحَد قانع وأَحَد يبحث عن الشهره بقدّاحه . /

تجنب واجتنب ما خفت واحذر ثورة البركان=ووسط الباخره يوجد مع القبطان ملاحه
مادام البكر من تحت الفحل يمكن تجيب حصان=ولو رجليه قبل ايديه والعينين من لاحه

الليل الليل الليل سرى يا ابو طلال

	المشاركة الأصلية كتبت بواسطة غازي الزغيبي

	تجنب واجتنب ما خفت واحذر ثورة البركان=ووسط الباخره يوجد مع القبطان ملاحه مادام البكر من تحت الفحل يمكن تجيب حصان=ولو رجليه قبل ايديه والعينين من لاحه

توصيني وأنا أوصيك باللي يخزي الشيطان=وتعرف أن البحر يا صاحبي له ناس سبّاحه
على هونك وثبّت رمية البندق على النيشان=ليا طاشت تراني أصفق الراحه على الراحه

	المشاركة الأصلية كتبت بواسطة بندر العوفي

	توصيني وأنا أوصيك باللي يخزي الشيطان=وتعرف أن البحر يا صاحبي له ناس سبّاحه على هونك وثبّت رمية البندق على النيشان=ليا طاشت تراني أصفق الراحه على الراحه

وصايه من كبارالسن هي اللي لهابرهان=كما ان الشعر وبحوره بهن ادغام وفصاحه
كان انك ماتشوف ان السهم يشر توال اعمان=نقول يبدل المنجوم مسرى الليل بمراحه

ياسلام على الابداع

صحت السنتكم ومتابعين معكم

	المشاركة الأصلية كتبت بواسطة غازي الزغيبي

	وصايه من كبارالسن هي اللي لهابرهان=كما ان الشعر وبحوره بهن ادغام وفصاحه كان انك ماتشوف ان السهم يشر توال اعمان=نقول يبدل المنجوم مسرى الليل بمراحه

تقاس الحكمه .بوزن العقَل .ماهي على الأبدان=حقيقة آدم . اللي فارق الجنه . بتفاحه .!!
عطيتك من صناديق الذهب . لولو . درر . مرجان=تكسرها وكِلْ صندوق .. أنا معطيك مفتاحه .!!

ياسلام ياسلام

والله ابداع

عمالقه في المحاورة

صحت السنتكم

.
/
ختامها عندك يا أبو طلال

وأشكر جميع من أتحفنا وشارك معنا :)

كما أشكر الشاعر المخضرم / العملاق

ونعتذر إن كان هناك تقصير

لكم وافر الحب والتقدير
.
/

صحت السنتكم جميعاً


محاااااااااااااااااوره رائعه