الليله الليله الحربي كلامه خطير

الليله الملعبة فيها كلامٍ كثير= ياكثر شعارها ياكثر شعارها
أنا و مستور نفتل في خطام البعير= لولعت نارها لولعت نارها

الملعبة سيروها ياعساها تسير=لايكثر اغبارها لايكثر اغبارها
الليل دوب استوى من له جناحٍ يطير=و القوم في دارها و القوم في دارها

ماني موافق على التجرة و لاني خشير= معروفه أسرارها معروفه أسرارها
احدٍ سبح في بحر و أحدٍ سبح في غدير=كلٍ بمقدارها كلٍ بمقدارها

يالتاجر اللي متاجر فالذهب و الحرير=لاتغلي أسعارها لاتغلي اسعارها
الطايره من مطار العاصمه لاتطير= قولوا لطيارها قولوا لطيارها

إصبر شويه يالين الختم يعطى الامير= و يزين مشوارها و يزين مشوارها
يازين طعم السمن و التمر قبل المضير= لادقت أزوارها لادقت أزوارها

ترى رحات الليالي فوقكم تستدير= سبحان من دارها سبحان من دارها
علمك غداء يالسحيمي دلو في جوف بير= ياصعب مظهارها ياصعب مظهارها

اللي عيونه تهل الدمع مافيه خير= لاشاعت اخبارها لاشاعت اخبارها
الليله انته عزلت المجمعه عن سدير= و أصبحت فيسارها و اصبحت فيسارها

اللي عيونه تهل الدمع سموه عير= ماهو بمختارها ماهو بمختارها
من لايكمل لزومه جعل عمره قصير= لو تصغر كبارها لو تصغر كبارها

وراك ذيبٍ لياشاف الرعية يغير= و يدور خيارها و يدور خيارها
و أنته تدور عليها مار سنك صغير= ماتعرف شعارها ماتعرف شعارها

الليله الليله الحربي كلامه خطير= كبده راع اصفارها كبده راع اصفارها
يقلون ياحرب جاكم من عتيبه نذير= و الدار من زارها و الدار من زارها

الفرق بيَن ليا جاك العمى و البصير= لاتعمي أبصارها لاتعمي ابصارها

الله الله ياحميدان مجهود راااائع تشكر عليه
بيض الله وجهك

مشكور ياابوناصر..
ووجهك ابيض ومقدرين
جهدك الملموس في القسم
بالذات وفي جميع الاقسام..

صحت السنتهم ومشكور ياحميدان

االله يعطيك العافيه ياحميدان وتسلم يمينك على النقل

محاوره من اجمل المحاورات
اشكرك على طرحك الراقي

	المشاركة الأصلية كتبت بواسطة تركي الشاماني

	الله الله ياحميدان مجهود راااائع تشكر عليه بيض الله وجهك

لاشكر على واجب

مشكور انت على مرورك المشرف

	المشاركة الأصلية كتبت بواسطة فهد المحسن

	مشكور ياابوناصر.. ووجهك ابيض ومقدرين جهدك الملموس في القسم بالذات وفي جميع الاقسام..

ياهلابك يالفريدي
ماعليك زوووود
ماسويت غير الواجب

صح الستنهم

والله يعطيك العافيه

	بيض الله وجهك