اشوف المنتدى والشعر بيغى شاعرن بيطار

	المشاركة الأصلية كتبت بواسطة بن هديبان

	استلم واسفين علا التأخير أنا اعرف وش يمين يمين واعرف وش يسار يسار=ولااني خابر الطاروق والشعار تعصاني اشوف المانيا ونظامها وجدارها منهار=وانا ليش ازعل المسلم عشان عيون نصراني

هلااابك واستلم :

كلام العارفه موزون وخطواته على معيار = ولايعلن مقامه غير إذا نادوه يافلاني
الا يالله تبعدنا عن اهل الكفر والكفار = غدى التلمود والإنجيل محرف قول شيطاني

ياسلام ياسلام ياسمو الشوق

الله الله

شعار رائعين نطرب معهم

متابعين لهذا الجمالـ
تحياتى

هلا واستلم

انا ماقول في علم الرجال قصور مهما صار=لكن العلم متقسم مابين انسان وانساني
يعيش الفقر في جيب الفقير ويشغل التجار=ولااني خابرن طيرن يطير ابغير جنحاني

	المشاركة الأصلية كتبت بواسطة بن هديبان

	هلا واستلم انا ماقول في علم الرجال قصور مهما صار=لكن العلم متقسم مابين انسان وانساني يعيش الفقر في جيب الفقير ويشغل التجار=ولااني خابرن طيرن يطير ابغير جنحاني

حياك :

فروق الخلق مشهوده مابين البحر والأنهار = زلال النهر ميزاته وذاك البحر مرجاني
يفوز التاجر الميسور ويجني من شقاه اثمار = ولكن الفقير اكسب سبق فى الجنه ازماني

بن هدبان وسمو الشوق


صحت السنتكم و بيض الله وجيهكم

فروق الخلق مشهوده مابين البحر والأنهار
زلال النهر ميزاته وذاك البحـر مرجانـي
يفوز التاجر الميسور ويجني من شقاه اثمار
ولكن الفقير اكسب سبق فى الجنه ازمانـي
ابن هديبان صح لسانك مبدع
سمو الشوق صح لسانك مليون ردود رائعه ووافيه

أشوف الفرق فالدنيا واعرف الحلو والامرار=وانا ماابغاك تتعب ثم ترجع وانت ضمياني
ماحد يحكم على الدنيا ولا احدن يعلم الاسرار=وترى نص العرب مايدري بخاتم سليماني

	المشاركة الأصلية كتبت بواسطة بن هديبان

	أشوف الفرق فالدنيا واعرف الحلو والامرار=وانا ماابغاك تتعب ثم ترجع وانت ضمياني ماحد يحكم على الدنيا ولا احدن يعلم الاسرار=وترى نص العرب مايدري بخاتم سليماني

حيــــّاك والمحاورة معك متعة :

كأن الخِضر فوّض لك عطاك السر يالمختار = واظن الخِضر مع علمه عرف نفسه بِميزاني
انا ما اضمن الجنه ولا اقول السعيره دار = ياليتك تكشف المكنوز تمد الناس ياسلطاني

صح السانك يالذيب ولاهنت علا مجاراتك
شاعر متمكن ولافيها كلام
واشكر الاخوان علا مرورهم المشرف وتعليقهم
وانشالله نلتقي على طاروق اخر
الله يعطيك العافيه