(((( عتاب لأحد الاصحاب ))))

الحق يا صاحبي فـي ذمتـي ذمّـه=ما يجهله غير من يغويـه شيطانـي
أمّا من الأنـس وألا الجـن يختمّـه=ويحط له بالردى منهـج وعنوانـي
لكن بعطيـك رأيـي كـان بتضمّـه=جنّب عن اللآش لا يلحقك نقصانـي
جنّب عن اللآش لا يا تيـك بمطمّـه=وتخسر مكانتك عند أطوال لأيمانـي
وخاو الذي خوّتـه ترقيـك للقمّـه=ترى الخوي يا فتى له دور وكدانـي
أمّا تعليـت وألا طحـت بـا لجمّـه=ومن طاح ما ينفعه ربـع ٍ وخلانـي
من طاح يا صاحبي كل ٍ ترى ذمّـه=يصبح هدف للبشر لأقصين والداني
هاذي نصيحة من اللي وضعك أيهمّه=سطرتها لجل عينـك يـا كحيلانـي
سطرتها وأبتدي الموضـوع وأتمّـه=من هاجس ٍ للمعانـي دوم طربانـي

الأخ الحميدي بن سعد السبيعي
والله والنعم نصيحه قيمه بيض الله وجهك وصح الله لسانك
ابدااااع شاعر متمكن يعطيك العافيه
ولله درك
وعلى قول المثل من طول الغيبات جاب الغنايم
تقبل اجمل التحايا
ودمت ودام ابداعك