محاورة بين الشاعرين مطلق الثبيتي رحمه الله والشاعر رزقان ابومشعاب الحميّاني

مرحبـا ترحيبتـن ينشـط لهـا القلـب المعـنّـى=المعنّـى مـن همومـه والمعـنّـى مــن زمـانـه
انـت يارزقـان سجّيـت القـدم وابـعـدت عـنّـا=وش بلا اللي كـل مازلّـت سنـه غيّـر مكانـه
البـقـا بالـلـي يـرحّـب والـوفـا منـكـم ومـنّــا=والرجال اهل الوفا كلّـن علـى قـدره وشانـه
ماتتـيـه افكـارنـا لــو كــان حـطّـانـا وشـلـنـا=عان بيتـي جنـب بيتـك ياطويـل العمـر عانـه
عـوّدوا مـع ربعكـم والكيـف مـن هيلـن وبنّـا=خار من دارن بها مدري شـرف والا مهانـه
ترفـع المشعـاب والمشعـاب ماراسـه محـنّـا=لو رفعته فوقهـم حطّـوك فـي دار الحضانـه
السـمـا هــذا سمـانـا والـوطـن هـــذا وطـنّــا=ونت لا يطري علـى قلبـك حسـد والا لعانـه
ارفــع المشـعـاب وقـلـوب الاوادم ترجهـنّـا=ونت خلك طول عمرك تحت ظل الخيزرانه
والله انـنـا مـانـبـا تـكـثـر حـمـولـك ياجمـلـنـا=والبعيـر ليـا تعـب مالـه قـراش ولا صيـانـه
الـقـصـور نشـوفـهـا لـكــن فـيـهـا مادخـلـنـا=جوفها دابـن عمـى يطلـع مـع الطاقـه لسانـه

بيض الله وجهك يالغالي

صحت السنتهم وبيض الله وجهك

الله يبض وجهك يالغالي
لاهنت يالذيب

عوّدوا مع ربعكم والكيف من هيلن وبنّـا=خار من دارن بها مدري شرف والا مهانه

صح لسان الشاعرين .... و مشكور على النقل

قصد مطلق رحمه الله بالبيت اعلاه أعتقد انه واضح .... عندما قال عودوا مع ربعكم...
و ربعهم الثبته من روق من عتيبه .... و المقصود بهم الحمايين من مطير أصلهم من ثبيت من عتيبه0

مشكورين على المرور

	المشاركة الأصلية كتبت بواسطة فارس عوف

	عوّدوا مع ربعكم والكيف من هيلن وبنّـا=خار من دارن بها مدري شرف والا مهانه صح لسان الشاعرين .... و مشكور على النقل قصد مطلق رحمه الله بالبيت اعلاه أعتقد انه واضح .... عندما قال عودوا مع ربعكم... و ربعهم الثبته من روق من عتيبه .... و المقصود بهم الحمايين من مطير أصلهم من ثبيت من عتيبه0

ايه بس الثبيتي مو روقي
الثبيتي من برق

بيض الله وجهك يالغالي

ملعبه جميله

يعطيك العافيه

بيض الله وجهك محاوره جزله