محاورة بين (بوش و بلير )

الله لايجـزاك بالخـيـر يـابـوش=ورطتنا فـي حـرب صـدام ورطـه
غرمتني وتقـول بتـرول وقـروش=بس الحقيقه روحتـي معـك غلطـه
يابلير رد العلم عن بوش إبن بـوش=الله خلقـنـا للمقـاريـد سـلـطـه
وأبـوي عنـده للرياجيـل دنبـوش=كـم واحـد شلنـا فلوسـه ونفطـه
أبوك والنعمين لكن انـت مربـوش=تمـوت بالبتـرول وتحـب شفطـه
صحيح عندك مال وسلاح وجيـوش=ميـر اتوقعلـك تدهـور وسقـطـه
يابلير كانك خفت يوم إحتمى الهوش=حـرام ماتاخـذ مـن النفـط نقطـه
قبلك ترى شيراك قـد راح مكـروش=شوفـه يصـرح كـل يـوم بمحطـه
وراك ماتعطـي لشيـراك عرمـوش=تـراه مشغلنـا بشيـلـه وحـطـه
وليا انتهى موضوعنا نرسل طـروش=ونجمـع المبلـغ مـن الربـع قطـه
شيراك هذا عنـده الفكـر مغشـوش=فرط علـي بمجلـس الامـن فرطـه
يـدزه اليابـان والصيـن ويطـوش=ومجهـز الفيتـو لتحقيـق شرطـه
يابوش انا مرهق وخايف ومدهـوش=وأنت تقول الحـرب خدعـه وخطـه
أسراي واسراك امتلى منهم الحـوش=عزالله أنـه اصابنـي منـك جلطـه
ماقلتلك كم فيـه إذاعـات ودشـوش=لاتكشف المعنى وانـا اقـول غطـه
وان قالوا انّا علوج واصحابنا جحوش=ماهمنـا الصحـاف واللـي يحـطـه

ههههههههههههههههههه

محاورة رائعة

بيض الله وجهك يبناخي

والله لايحرمنا منك ومن جديدك

	المشاركة الأصلية كتبت بواسطة عـامر العوفي

	ههههههههههههههههههه محاورة رائعة بيض الله وجهك يبناخي والله لايحرمنا منك ومن جديدك

هلا با أبن العم

مشكور على مرورك العاطر


و بوش يطلق عليه أسم شاعر كبير
هههههههههههههههههههههههه

مشكور يا ايها الفارس علا هل المحاره الطييبه وعسي ربي لا يمسيهم باالخير الاثنين مما جر و علا العالم من مصايب

اخوك ابو مشاري

بارك الله فيك
اخوك الحب الباقي
دمت بخير