ديوان الشاعر/ سعد المحمدي

يايوسف لو فرك راحه براحه
مايبرد ياولد عمي غليله

على قد الوجع نسمع صياحه
وطلع مكنون صدره عزتيله

عطوه الناس بالسابق مساحه
وخطاله خطوتين وهز ذيله

على مايريد ماهبت رياحه
وخلط بالهيل تبغ وزنجبيله

صجيح الوقح مايكب الوقاحه
طبيعه فيه وعلومه هزيله

لكنه لو يعلم بالصراحه
بدل ماله يطبل كل ليله

مافاته لو يبي يفرد جناحه
على ماقيل حاجه مستحيله

شبابه يوم ماسجل نجاحه
مشيبه صعب يكتب له نفيله

مدام عقود عده في مراحه
يتيه الدرب من حطه دليله

شمال الدار يكفي من سلاحه
يهيبه من يجيه ومن يجيله

وطوارف نجد وحجاز الفصاحه
تراك انته من اليله وكيله

بعد من جعل قبره وسط واحه
حياته عاشها فارس قبيله