محاوره مع الشاعر الكبير حسن بن مساعد

(1)=
فايز ال محيسن=
سلام ياذيب(ن) ولا عنك مجناب = مادم نار الشوق فالصدر حيه
المشكله لن كان نجهل للسباب = مدري خطايه او خطاهم عليه
حسن مساعد المعبدي=
يامرحبابك هيل ياعز الأصحاب = اقلط وكيفك عندنا شاذليه
حنا نعين اللي من الوقت منصاب = وابشر يابوماجد بحل القضيه
فايز ال محيسن=
عسا البقا ياللي ترحب بالأحباب = طبيك تعدى فوق نجم الثريه
قلبي غدابه ود والود غلاب = والله بلاني بحب ماشفت زيه
حسن مساعد المعبدي=
الرجل يبغاء للهوى قوة اعصاب = لايميل ميلات الغصون النديه
وحذرى يصير الرجل للعام كتاب = ويبعد عن دروب العلوم الرديه
فايز ال محيسن=
ميّر البلاء ياصاح من دمعت اهداب = سالت على خده من اشواق ليه
واصل المشاكل كلها فكت الباب = مابه نعاره عندنا ولا حميه
حسن مساعد المعبدي=
بعض الدموع تسيل من شخص كذاب = يترك في رمضآء وهو وسط فيه
وإلآ الحميه عند عكفان الأشناب = دون الخوي تارد حياض المنيه

(2)=
فايز ال محيسن=
سلام ياللي له معزه وتقدير = وسهم الغلاء دايم خضر مرتفع فوق
من بعدها بنشدك ياسالم الزير = وشلون قلبك للمواليف مايروق
حسن مساعد المعبدي=
يامرحبا ترحيب مافيه تقصير = لصاحب اللي جّعل يسلم من العوق
حنا بلشنا في سداد الفواتير = والقلب من سبت هل الدين محروق
فايز ال محيسن=
عسا البقا ياللي ترحب على خير = مزن الهوى مردّم وبانت له بروق
ولو كان تنكر ماتسد المعاذير = ياللي عشقتو فالهوى اليوم معشوق
حسن مساعد المعبدي=
انفس جازة لو عرض لي طوابير = وانا هوايه مرتع الصيد والنوق
اسج رجلي ماحسب للمخاسير = ولا علنت سري وسط لقايت السوق
فايز ال محيسن=
يامسلي الخاطر بكثر المشاوير = قلبك خضر يم الغضي ساقكم سوق
هذا الخبر ما يحتمل لتفاسير = ولا تقول عندي شك والعلم موثوق
حسن مساعد المعبدي=
حنا عليها مانزف التباشير = ولاني ماعاين فالهوى كل مطفوق
يافايز العربان مثل المناشير = والرجل فينا لازم يصير صندوق

صحت الالسن

بيض الله وجيهكم

لا عدمناكم

بيض الله وجيهكم طاروقين جميله من شعراء عمالقه بحق

	المشاركة الأصلية كتبت بواسطة حفيد الحجيري

	صحت الالسن بيض الله وجيهكم لا عدمناكم

وصح بدنك ياغالي

وشكرا على المرور

الله
ع الابداع صحت اللاسن ولك الشرف ياال محيسن انك تحاورت مع الشاعر الكبير حسسن بن مساعد المعبدي


اهنيكم ع هذا الطاروق الكايف

الله يرحمك يافايز ويغفرلك. مرت سنوات على وفاتك ولا نسيتك 💔💔😭😭😭😭. والله يحفظ شاعرنا حسن بن مساعد. ويطول بعمره

اللهم اغفر وارحم عبدك فايز وادخله جنات النعيم
مع الانبياء والصديقين والشهداء
أمين