ديوان الشاعر / فايزموسى البشري

على خط بيشه واخر الليل وانا ساج
تلازمت مع هاجس لا ليه ولا ليبه
لزمته لزوم الشرط للمسلم الي حاج
تبلشت فيه وغربلتني مقاضيبه
خيال ٍ من الواقع بواقع ورى مزلاج
خليط المشاعر فيه طغيان مع هيبيه
خذيت وعطيت وشلت تاج وضعت التاج
وازحت اقنعه حطت على وجيه تركيبه
يادرب السعه منهاجك افضل ولو ينعاج
مناهيج درب الضيق تتعب مناديبه
ثلاثين مع عشرين مع مفرد ٍ ما ماج
قبل لا يجي للجن والحن تاديبه
بعلم ٍ ماهو بين وخافي بسبع ابراج
خلافه وامامه سبع سابع بسالييه
يضيع الفكر قبل البصر عاصف ٍ لاهاج
سوات البحر ماءه سهوم ٍ مشاهيبه
تكلل ولا كلل بفرد ٍ وراه افواج
اخذ مستقيم ازرق ثقال ٍ منا صيبه
وصلته وشفت الصالة العرض والانتاج
لقيت الصبي بعمر نوح ورجل شييه
تحت سقف محكم والنتايج بسبع ادراج
على العلم الاول محكمات ٍ كلاليبه
بعيد ٍ عن الكاتب صعيب ٍ على الاخراج
جواره تسلسل ماء قراح ٍ مشاريبه
على كف عوباء لاتحوج ولا تحتاج
قويت يقين بدون شك ٍ ولا ريبه
سماها ضباب وتحتها لامع ٍ من عاج
مكعب بانواع الذهب ثلث تكعيبه
تغيب العقول المستنيره من الابهاج
تحير العقول المستثاره بترتيبه
هذي كلمة اللي لامهرج ولا هراج
ولا ارخى سموعه للمكذب وتكذيبه
فايز موسى البشري