( قناتك اللي على اليوتيوب تابعتها )

قناتك اللي على اليوتيوب تابعتها
فيها تواصلك لو دارك علينا بعيد
في كُل مقطع تطالب قبل ماشاهِدُه
تفعيل زِر الجرس حتّى يصلك الجديد
وفعّلت زِر الجرس تحقيق مطلوبها
أبغالك الفايدة حتّى ولو مااستفيد
يحكُم علي الغلا تنفيذ ماترغبُه
والوِدّ ناره تذوّب من جسوره حديد
أهم حاجة ندوّر مايزيد الوصل
حتّى لو إن التّعب جُهده علينا يزيد
اتلذّذ المّر لاجاني بكأس الغلا
ولايمكن اشكي عذاب الود لوهو شديد
وهذا هو الواقع اللي عاشه أهل الهوى
والنّفس ماتقتنع إلّا على ماتريد

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك واعتلا شانك

صح الله لسانك
ولاهنت
وسلم فكرك وبنانك
دمت برعاية الله وحفظة

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

السلام عليكم ورحمة الله وبركاته
سلمت ودمت أخوي الشاعر صقر المراقيب على الابيات.
.
.
جزله ورائعه وصح لسانك
أخوك ابوساره

الحُب الباقي
اشكرك
على مرورك
الله يسعدك