ديوان الشاعر غازي بن مغيران الزغيبي

%%%%%
‏‎‎‎لاصرت يبن هذيل تدري وش نقول
يمكن تعرف منفذين الاوامر
لاوقع اتعميم من عند مسؤل
عسى الجهاز العسكري دوم عامر
تفعيل توجيهه يجي منه مفعول
محد يتهاون فيه ولايطامر
حسب النضام الي تعلمت مقبول
أليتٌه تقسم متين الدوامر

‎#
غازي_الزغيبي

‏‎‎‎هلا وسهلا يابو طلال
يشرفني المجاراة

ياغازي مغيران والقاف مرسول
بجزل المعاني يافتى الجود تامر
والعلم واضح يم الاصحاب منقول
من قايد الطابور جااهم مغامر
على النقاء يالذرب والسيف مسلول
في ساحة الميدان كلن يزامر
بصعب المعاني وجه القاف مشلول
ولاجل الاوامر ثورو كل ضامر

‎#
سعد_بن_هذيل


(٢)
الوضع عادي والدعاوي لهاحلول
إلا مواضيع الحسد والتأمر

ماكنت اصدق لين شفنا لهاذيول

حام العقاب وفيه حدره مخامر

تكرم ويكرم من له الشكر موصول
واللوم ياطا الوجهني والمقامر

والعيب ماهو قولة إني فحل شول
العيب قولةروضو كل شامر


ماتابع الجره وأنا أعاين الزول
لو إن برق الصيف ماينتسامر


إن أقبلت ماذبحها عندنا غول
مضراب شلفاهاعلى العظم سامر
#غازي_الزغيبي


‏‎‎‎الوضع ياغازي على مثل ماتقول
متخالط ن برق اللعبي والمخامر
معاد نفرق بين صاحي ومهبول
متساين طفرانها والهوامر
هذا زمان العولمه صار مجهول
معاد تفرق بين.يارا.وثامر
نهارهم نيااام والليل بالمول
والا على الجوال باليل سامر
مثل بعضهم بالحركات والقول
من شرق حتى تاصل ديارعامر
‎#سعد_بن_هذيل