لاما تشوف الجبال الشم كبر القطا

ياهاجسي للجزيل افرد جناحك وطير
لاما تشوف الجبال الشم كبر القطا
حلق سما في سما نجد العذيه عصير
شاعرك للكايده دايم سريع الخطا
ان كان ماطربت جمعن بنتظارك غفير
منته بمشكور من بعد انتظار وبطا
سلام تسليمتن تشمل كبير وصغير
فروعها بالسماء وعروقها بالوطا
مضمونها من وفاء وحروفها من حرير
وغلافها من ذهب والعود الازرق غطا
يالعزوه اللي لكم بالدار شانن كبير
ايام شبه الجزيره بين صح وخطا
هباريه من مزينه جابرين الكسير
اهل البيوت الذريه والكرم والعطا
يوم الليالي رحاها بالفتن مستدير
رجالهم فيه مع زود الشجاعه سطا
بالشلف والرمح والبندق وحد الشطير
كم جمع زاحوه ماهو هرج ناس اعبطا
لالاح برق المشاكل ثم صاح النذير
ياما اجدعو من عقيد وكم وكم اربطا
اهل السلوم الشريفه حاشمين القصير
واهل وفاء ورث جد ولرفيق اصفطا
كلام شاعر يحكم بالكلام الضمير
لحصان صدق النوايا بالزمان امتطا
مايذم واد الرمه من شان واد الجرير
ومايرفع اللي قبل حكم الامام ابسطا
يبعد عن الكلمه اللي للمشاكل تثير
ومايشت شمل الولايف والضعون اخلطا
ياحادي العيس قدامك طويل المسير
ياكثر مافيه غيرك بالمجال انشطا
ان كان منته مع الفرجه شجاع وبصير
لو انت محتاط غيرك بالرجال احوطا
مال الحمول الثقيله غير غارب بعير
يقطع بها البيد لو دربه غراز ولطا
عليه لازادت الحمله يقض الهدير
وماينثني عظم ساقه بالوحل لاوطا

صح لسااانك يابوتركي
قصيده جزله ماشا الله تبارك الرحمن

	المشاركة الأصلية كتبت بواسطة ابوهليل

	صح لسااانك يابوتركي قصيده جزله ماشا الله تبارك الرحمن

صح بدنك يابو هليل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلمت ودمت

ياهاجسي للجزيل افرد جناحك وطير
لاما تشوف الجبال الشم كبر القطا
الله على هذا التصوير الإبداعي بيت ياخذك سماء في فضاء الابداغ
حلق سما في سما نجد العذيه عصير
اوه ه يانحد نجد تعذيب وحنا ماحلقنا في سمها كيف لو حصل لعل سحايب الخير ترويها
شاعرك للكايده دايم سريع الخطا
قول وفعل لاغرابة



صح الله السانك لاهنت
مستشار وشاعرنا الكبير
سعد المحمدي
لاهنت

	المشاركة الأصلية كتبت بواسطة الكحيلة

	ياهاجسي للجزيل افرد جناحك وطير لاما تشوف الجبال الشم كبر القطا الله على هذا التصوير الإبداعي بيت ياخذك سماء في فضاء الابداغ حلق سما في سما نجد العذيه عصير اوه ه يانحد نجد تعذيب وحنا ماحلقنا في سمها كيف لو حصل لعل سحايب الخير ترويها شاعرك للكايده دايم سريع الخطا قول وفعل لاغرابة صح الله السانك لاهنت مستشار وشاعرنا الكبير سعد المحمدي لاهنت

صح بدنك يالكحيله
ومشكوره على مرورك الراااائع

صح الله لسانك
ولاهنت
وسلم فكرك وبنانك
دمت برعاية الله وحفظة