ديوان الغاز الشاعر : الشاكر أبو سامي

يالالاله يا اله يالالل اللغز جاكم على الطرق الجديد
ترمعوا فيه ياللي ترمعون
ياويش رجال في القول المجيد
مذكور في وصف قوم مدحظون
ينهض بالأول وبالتالي ينيد
بعكس كل الذين ينهضون
__________
بنشدك والعلم وافي في الثقال وفي الخفافي
صورة مثل الاثافي وقف عندك يالسنافي
رمز والتعبير وافي يامنكسة الكوافي
حاصل التحصيل كافي ارمعوا من بال صافي
______
شي حيرني بحاله عازل عنهم لحاله منت داري ويش حواله
لا قبيح ولا مليح
ماتعرف اللي بجوفه سمن به والا ضعوفه لو تكلف به كلوفه
مايصح الا الصحيح
_________

أنا لغزي جديد وفيه حكمه وانظر القرآن
عساك انت حكيم وتعرف الريس من المريوس
لقيت اخوان مجتمعين في ثوب تحته اكفان
يسمى كل واحد باسم اخوه ورمز للملبوس
وحدبان الظهور وشيبهم ملحوظ بالاعيان
وقوف بقاعدة ومنكس الطربوش فوق الروس

(موث)
__________

الا يافكرتي يوم اتفكر وابني الألغاز
عن اللي صار اخوه بوسط بطنه وامحى ذكره
انا شفته بعيني وانت شفته معي مايعتاز
نهار اليوم وامس ويمكن تشوفه بعد بكره
ومشرف زيلو يشوفه قديم بشاشة التلفاز
وبعض الناس يمكن لو يغره ضاع به فكره

(ياش)
__________
اللغز لو حله ابو عبد العزيز أقول لا
ماله لوا في غيرها رمعه على روس الملا
أقول دور رمعته وابشر بتقدير وغلا
واللي يعرف الحل لايسكت يعجل يرمعه
بنت تجينا من هلال اليا هلال لاعتلا
الكل يكرهها ولايبغى لها في جانبه قرب ولا
وانا وابو عبد العزيز بصف واحد وزملاء
يمشي معي واليا غوى في الدرب مابمشي معه
________
اللغز لو جبته صعيب ترمعونه في القناه
ماهو بحيا الله من الغاز القناه الدارجه
والكلمه اللي تستحي منها تصدر في البداه
اما تعود داخله والا تروح خارجه
ابغاك تخبرني يابو محمود عن تلك الفتاه
اللي مضفى فوقها ستر العباه السارجه
حيا الحيا والبرق لاشفته يرفرف في سماه
يقطع لسان الشله اللي في المجالس هارجه

(يحتست هملك)
____________
ياربعنا ياللي تحلون الألغاز
اللغز جاكم دوبه اللغز طازه
ويش الفتاه إللي بها شعلة الغاز
ياكم واحد له بهالبنت عازه
اخواتها ياكثرهن بس تمتاز
عنهن بحافر يعجبك باهتزازه
ياكم شفناها على شاش تلفاز
تقبل وتقفي شامخه بارتكازه
(اصع)
_________
اسمعوا يا عيال عمي همكم من ضمن همي لاجلكم لحمي ودمي
ما يجي منكم ردي
كل مافكيت فمي يلتفت بالعين يمي قلت بسم اللة اسمي عند تحريكة يدي
قال صكه لاتفكه وجرح غيرك لاتحكه والخبر بكره بمكه ينشرونه يابعدي
يدخل ابليس بحماره ثم يزهم فوق جاره نعنبو ناره وداره يوم يزرقك يعدي
_______
انشدك عن بنت لاما جن معها خوات
ماهمنا كثرهن والبال ماينشغل
وإن جت وحدها طلبنا العافيه والنجات
ومن لاعرفها يطلع فوق كوكب زحل
حير
_____
اليا استعد يقولها/ ويطب صدره للحضور
كلمه لها مدلولها/ بلا جواز
للعبور
مستغرب في زولها /حسب السجع صار الظهور
وسلطان ماهو حولها/ تعلموا والعلم نور
امثال من مرسولها/ تلفيك من سد البحور

(يدنه يدنع )
________
حدث ما قط صار ولا حدث في سابق الايام
بشارة خير وأهل الخير دايم بيض أياديها

حصل في الشرق مدري في اليمن مدري حدث في الشام
قوايمه اربعه والاربعه بشروط واليها

وفاء واهل الوفاء ماهمها من يزرع الالغام
صحيح النار ماتحرق يقع من هو وطا فيها