ديوان الغاز ابوهليل

الـفـيـتــن رابــعـــه وحـســيــن يـنـخــانــي
يــقــول صـعـبــه عـلـيــك الله تـسـويـهــا
قلت ابشرو بس لاحد يصيـر زعلانـي
حـلـفـت جـــو الـثــرى لادفـــن معـانـيـهـا
الالـف ماهـو خـفـي مـعـروف يافـلانـي
اول كـــلامــــه لــــديــــه اســراريــرويــهــا
اســـرار ماجـابـهـا مـخـلـوق لانـسـانــي
لـــــــولاه ذولاك مــاتــعـــرف اســامــيــهــا
البـاء رجـلٍ ضعيـف وصـار لـه شـانـي
لـــه كلـمـتـن قـالـهــا مــاحــدٍ بنـاسـيـهـا
الاول فـــالـــي تــعــلــى راس مــابــانـــي
الـنــاس للـخـيـر لامـــن حـــل يـدعـيـهـا
الـتــاء تـحــت الـقـمـم تـصـيـر وتـبـانـي
ولاتنـعـرف لـيـن بـاسـم الـجـد تطـريـهـا
سـمـيـهـا تـنـلـقـي فـالــســوق بـالــوانــي
والنـاس طـول الزمـن بالمـال تشريـهـا
الــثــاء مـايـقـبـل زيـــــاده و نـقـصـانــي
عمـر الــذي لامـشـت يـذبـح مماشيـهـا
يـاقـوهــا فـالـبـشــر مـاتــرحــم انـســانــي
حاضـرهـا مايختـلـف يشـبـه لماضـيـهـا
الجيـم لاجلـه تعبـت وصـرت ضيقانـي
ايــــام راحــــت قــبــل مــانــي بنـاسـيـهـا
لاصرت بالحـل ياهـل العـرف غلطانـي
فـالــكــف نــاكـــل فـــتـــاه الله يـكـافـيـهــا
الـحــاء ثـالــث ثـلاثــه بـيــن الاخـوانــي
غــرب الـبـحـر ديـرتــه هـــذي حـراويـهـا
ماهـو بجـد الـعـرب قحـطـان وعدنـانـي
والـنـاس ماتنجـهـل تـعــرف باسامـيـهـا
الــخـــاء روح وراع الـمــلــك مـنـهــانــي
ايــام مــادري شـهـور الــرب محصيـهـا
بـعــد الـمـعـزه اجــيــر ويــاخــذ اثـمـانــي
وباجـرة عمـل عـاد وزانـت لــه تواليـهـا
الــــدال ثـنـتـيـن مـاقـبـلــه ولا انـســانــي
حصـل عليـهـن ورب الـكـون معطيـهـا
كـلــه سـبـايـب عـمــل ســـواه بـاتـقـانـي
خـلا العـداء تنكسـر والـحـرب تنهييـهـا
الــذال غــادر هـلــه ضـايــق وزعـلانــي
وبـاسـبـابـهــا ذاق فـالـدنــيــا بــلاويــهــا
بالعـمـد روح وجــاه الـمــوت عـجـلانـي
لاشـــــك ذاك الـــــذي ســـــواه يـنـهـيـهــا
الـــراء شـيــخٍ رفـيــع الــقــدر والـشـانــي
الـجـزلــه الـــــي تـســمــى دوم راعـيــهــا
معروف عنـد العـرب بـدون وحضرانـي
لــــه ديــرتــن بالـقـصـيـم الله يـسـقـيـهـا
الــــــزاء حــــــرٍ ولامــثــلـــه بــالازمــانـــي
اجمـل خـصـال الـعـرب بيـديـه حاويـهـا
الاســـم وافـــق مـسـمـي فــيــه بـرهـانــي
الــعــرب تـشـهــد بـقـاصـيـهـا ودانـيــهــا
السـيـن شــاف الــذي يـبـغـاه وانـهـانـي
ممسـوك مسـك الكلبـشـه عـنـد واليـهـا
وقـــدام يـذهــب ويـعـطـي بـــر الامـانــي
جــاه الـوعـد فــي ثميـنـه ماحـلـم فيـهـا
الشيـن بنتـن خـذت شهـره بالاوطـانـي
الـبـدو هــم والحـضـر تـنـقـل حكـاويـهـا
عـنـد الـعـرب علمـهـا وفـــلان وفـلانــي
ســــم الـبـنـيــه وقــلـــي مــنـــه راعـيــهــا
الـصـاد سـاعـة قـــدم راحـــن الاحـزانــي
جــاب الــذي ماتـجـي بالـمـال يشريـهـا
دارٍ عــزيــزه عـلـيـهـا الـقـلــب ولـهـانــي
ياليـت مثـلـه يـجـي ونعـيـش ماضيـهـا
الـضــاد مايـنـسـي جـاحــد لـلاحـسـانـي
ســـــوى ســواتـــن ولاغـــيـــره يـسـويــهــا
بعـض العـرب يشبهـه ماعنـده امـانـي
مــثــل الــــذي عـلـتــه زحــنــا بـلاويــهــا
الــطــاء رجـــــلٍ مـحــنــك زاح الامــانـــي
دربــيـــن مـاغـيـرهــن لابــــــد تـمـشـيـهــا
الاول يمـكـن تعـيـش بـرمــح وسـنـانـي
والثـانـي لــو تاصـلـه فـالـروح ينهـيـهـا
الـظـاد كـلــن شـكـاهـن ســـر واعـلانــي
لـــولاك يـــام الـعــلاق وجلـسـتـن فـيـهـا
وا لله لـيـمــدي عـلـيــه لــفـــو اكـفــانــي
مير ادعـي الله عسـى الامـزان ترويهـا
الـعـيــن لــــولا فــعــل قــــدام الاعـيــانــي
ليصير ضمن السلع مطلـوب شاريهـا
خيـال لامـن تعـلـى ســرج ال حصـانـي
ماهـو مـن الـي يـعـود صــوب اثاريـهـا
الغـيـن لـــولا الـبــدر ســـراج الاوطـانــي
الـنـاس ياكثـرهـا مــن هـــو بيحصـيـهـا
ضــرب الثـلاثـه ثـلاثـه وانــت فهمـانـي
فالـمـوقـع يـصـيـر والصـعـبـه لاهالـيـهـا
الـفــاء رجـــلٍ رفــيــع الــقــدر والـشـانــي
لــه ضربـتـن فالـعـداء مـاحـدٍ بناسيـهـا
لاجــل العـروبـه كـنـوز الـمـال تنهـانـي
يالله عـســى جـنــة الـفــردوس يـاويـهـا
الـقـاف ســوى عـمـل ماقبـلـه انـسـانـي
مـن شـان بنتـن كثيـر الـزيـن كاسيـهـا
اثـــر الـمـزيـن مـعـاهـن كـــم شـيـطـانـي
ياطيـب ديـن الشريعـه يومـه غاطيـهـا
الـكـاف قـبـل المسـيـح وتـعـرف الانـــي
فالـسـيـنـمـا تـنــذكــر وافـــــلام تـرويــهــا
اخــر مـطـاف الـعـمـر فـالـسـم تنـهـانـي
ميـتـة رضــا بالطـلـب يـاشـيـن تالـيـهـا
الام راعــــي فـتـاتــن طــــول الازمــانــي
ماتمـوت دام العـرب تمشـي باراضيهـا
مـاهـو مــن الـــي كـلامــه دان يـادانــي
يالـيـت بـعـض البـشـر تـصـك افاهيـهـا
الـمـيــم لابــانــسٍ ولاجــــن ولاحـيـوانــي
فـــالارض يـمـشـي ورجـلــه ماتـلاقـيـهـا
فالبـحـر ماينـوجـد والارض مـــا كـانــي
فـهـمــت والا لــغــوزي مــانــت قـاويـهــا
الـنـون تـذكـر لـيـا مــن صــار زعـلانـي
تـعـطـيـه قــــوه وهــــو لاقــــال يحـمـيـهـا
مـــن لايـســوي سـواتــه قـيــل يـنـهـانـي
البيض وقـت الخطـر لايجيـب طاريهـا
الهـاء بنـت الـشـرف سليـلـة حصـانـي
يـاقـوهــا فـالـغـضـب مــاحـــدٍ يـجـاريـهــا
ذاقــت طـعـامٍ عـلـيـه الـنـفـس زعـلانــي
قـــــدام رب الــمـــلاء لـلــحــق يـهـديـهــا
الـــواو لاحـــل حــلــت مــعــه الاحــزانــي
خـــص الـــذي جـيـتـه مـاعــاد نرجـيـهـا
الــغـــز واضــــــح ولايــحــتــاج تـبـيــانــي
والـزود يمـكـن عـقـول الـنـاس يعميـهـا
الـيــاء رجــــلٍ يـشـابــه خــــد الالـمـانــي
وبعض العرب ياعـرب مانـي مسميهـا
الــزود قـالـو بـحــال يـصـيـر نقـصـانـي
ولانـي مـزود وصوفـه خــوف تخطيـهـا
تمت حروف الهجاء والشعر منصاني
بـذلــت جـهــدي ولـــك عـــذري بتالـيـهـا




























--------------------------------------------------------------------------------