( وسام الشّرف )...مراسله مع الشّاعر القدير/ عبدالعزيز الرّويثي

/
/
/
/
/
/
/
/
/
/
/
/

بدع الشّاعر/ عبدالعزيز مناور الرّويثي=
للاحمدي خالد سلام وتحيّه=الشّاعر المعروف جزل المعاني
امغلّفه ومعطره ومعنيّه=بالفلّ واليشموم والزعفراني
ومرتّبه ومحدّده ومحصيّه=مليار عدّ موثقه بالبياني
منّي يابن معتوق لجلك هديّه=من صادق اشعوري عليها الضّماني
من هاجسٍ بالشّعر حاز اولويّه=دايم على الجزله بيوته اسماني
يترك غثاه وينتقيه برويّه=ويطوّعه في كل ظرف ومكاني
حايز على مدح الرّجال الوفيّه=وحايز على وسام الشّرف من زماني
جالك يدوّر حل لاصعب قضيّه=ياكثر مادارت حدود ومواني
احدٍ يقول الذّنب كلّه خويّه=واحدٍ يقول الصّبر مرّ ونساني
واحدٍ يجيب حلول دايم عصيّه=واحدٍ يقول الحلّ مافيه جاني
والمشكله راس البلاء والخطيّه=من عاش بالنيّه لزومٍ ايعاني
عليك يالزّيزوم ماهي قويّه=دايم تحلّ المعضله في ثواني
يانسل شيخان الظّفر والحميّه=قومٍ لهم بالطّيب دار ومكاني
ردّ الشّاعر/ خالد عبيد معتوق ألأحمدي=
لك يالرّويثي في حروف ابجديّه=ترحيبةٍ تاصل فصيح اللساني
اغلى من اللي ينوزن بالوقيّه=واملبّسه بعقود ورد ارجواني
وآلذّ من طعم العسل فالخليّه=من ذاقها تغديه مثل الحصاني
ومنزّهه تنزيه مافيه زيّه=حتّى تريليون العدد ماكفاني
ومثمّنه منكم تحيّه قويّه=ولا شكّ في طيبة عريب المجاني
ونفسك عن التّعريف فيكم غنيّه=مانجهل الابراج بين المباني
ومن شاعرٍ يمتاز بالعبقريّه=ومن دون ربعه شهم ماهو بناني
بشّرك بالفزعه ونفسه سخيّه=ولايخيب ضنّك في وسيع البطاني
ترى الحقوق اتبان ماهي خفيّه=ومثلك يميّز بالعلا والطّماني
ولاتفتكر فاهل النفوس الدّنيه=وانته صميدع راس منته جباني
ومادام لك طيب النّوايا مطيّه=مشيك بها لابد نصره يباني
مااخلفت نهج العزوه الصّيرميّه=كاسب بياض الوجه والامتناني
يانسل من طبعه يقود السّريّه=تبقى علم وايشار لك بالبناني