(الفوز لمحمّد يسجّل للجميع=احنا يداً وحده على العلم المنير)

هذه القصيده
بمناسبة
فوز الاستاذ/ محمّد بن داخل بن عايد ألأحمدي.
في انتخابات المجالس البلديّه.
/
/
/
/
/
/
/
/
/
/
/
/
/

عند الرّجال الطّيبه قدري رفيع=وحبل الوفا بيناتنا ماهو قصير
لامن دعوني جيت فالوقت السّريع=يصعب على رجلي توانا فالمسير
وقت اللزوم آقوم قومات الشّجيع=وآسرّهم في طيب معدوم النّظير
واليا دعا داخل يوافيه المطيع=يامر عليّ امره على اخوه الصّغير
واجب عليّ آطيع فالامر النّفيع=دعوة كبير الجاه للسّيف الشّطير
رجّال يجمعنا على طيب الصّنيع=في فرحته بالفوز لاّ لبن الكبير
اللي وقف وياه بالصّيت المشيع=وصخّر معاه الجاه والمال الوفير
حتّى ظفر في سطوة السّيف البتيع=ساعة وصل للمنصب اللي به جدير
وامن اجتهد فالوقت جهده مايضيع=وهذا بدون اقصور فالجمع الغفير
كلاً بذل فالواجب اللي يستطيع=اشيوخنا والجبر ماقفهم شهير
اللي جهدهم بان كالسّد المنيع=وهذا الامر ينبيك ياالرّجل البصير
الفوز لمحمّد يسجّل للجميع=احنا يداً وحده على العلم المنير
وذي دبرة الله خالق الكون الوسيع=والفضل يرجع له فالاوّل والاخير

الشّاعر/ خالد بن عبيد بن معتوق ألأحمدي

اخي خالد صح لسانك يستاهل الممدوح الأستاذ محمدبن داخل
مايقدم من قوم إلا خيارها
تقبل تقديري وأحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك