سلامي قصيدتي الفايزة في مسابقة عاصفة الحزم؟.....................

السلام عليكم ورحمة الله وبركاته
قصيدتي الفايزة في مسابقة عاصفة الحزم
في موقع النايفات الادبية.
وهي اهدا الكل جنود الوطن كلٍ بموقعه
سهرو ونمنا في امان حتى اثقل النوم جفونا مهما نقول لانوفيهم
حقهم نسال الله ان يحميهم في حمايته ويرعاهم في رعايته
ويعجل بنصرهم ويجزاهم عنا خير الجزاء انه هو القادر المقتدر.

سلمان يا سلمان ياراس الصطر=لاقلت قولٍ مايجي قولٍ وراه
لك فزعةٍ تبقى على مر الدهر=عثيت بالخاين وطهرانه معاه
هجدته الحوثي قبل وقت السحر=وانته تجيب العلم لاجا منتهاه
معك صقورالجو وقلوب الصخر=كلٍ يقول الموت دلوني علاه
صبو على راسه من الجمرالحمر=من سابقات صوت واحتلو سماه
شهبٍ تقاذف نارها مد النظر=يعلن لها الحوثي من الذله ولاه
والحد لايحلم يزوره والحذر=يطير راسه مالمس ذرة وطاه
من راجمات الحق وحزام الظفر=جنودنا بالحد حامينٍ حماه
انعم بهم واكرم بهم فوق البحر=بحرية التوحيد وكعام العداه
يجنودنا يادرعنا عند الخطر =انتم حماة الدار وانتم له ذراه
وان دكة الهيجا لنا فيكم فخر=فعولكم تشهد ويشهد لي ملاه
اعوذكم بالله وايات الزُبر=من عينه الحاسد ومن يخفي بلاه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

قصيدة رائعة .. تستاهل كأس العالم :)
مبروك ياشاعرة حرب
فأنتي تستحقين كل الشكر والثناء لما تبذلينه من جهد في اثراء الساحة الشعرية
منذ سنين عديدة
أتمنى من الأدباء والمهتمين من قبيلة حرب ان يقومون بتكريمك
وشكراً

صح السانك وبيض الله وجهك
جزلة من راس جزل

صح لسانكـ شعر جزل من شاعرة الجزاله ..

صح لسانك قصيده فخمه وتستاهل الفوز

كلام جميل
يسلمووو

تستاهلين النوماس والهلم الغانم
صح لسانك وبيض الله وجهك

وافر الشكر والامتنان للجميع
اعضاء وزوار

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت
ولاهان
مرورك

الرااقي