طال السهر ياعين !!

السلام عليكم ورحمة الله وبركاته



طال السهر ياعين والنوم يجفاك
واليل يسري والخلايق نيامي
والحزن ضيفك بالليالي وينصاك
ونتي

معزبته

وقومي مقامي
والضيف له واجب وتقدير لاجاك
حتى لونه من لديد الخصامي
استبشري ياعين وبكي من ابكاك
طبعك كريمه مع ضيوف الكرامي
يامرحبا بلحزن والفين حياك
من عين تندب حضها بالملامي
هات العلوم وبين العلم بحكاك
عن صاحبن غايب عن العين عامي
هو كيف عايش من فراقي وفرقاك
يشتاق للمشتاق ولا هيامي
ياصاحبي ان كانه البعد خلاك
شخص قطوع وماتعرف السلامي
تنسى حبيبك تحسب انه تناساك
ماتدري انك منوته والمراامي
البارحه جتني هواجيس ذكراك
في ليلتن غر الشهر باظلامي
وجيت المكان الي تفارقت وياك
وهاض الشعرفيني وبيح كلامي
وصارت عيوني كل ليله تحراك
كني مع الحراس ليلي دوامي
وين انت ياساس من الطب بنياك
يامحزمي يوم اليالي حزامي
يامحلا ذكرك ويزين مطراك
قربك فرج قلبي وبعدك عدامي
طال الغياب ومنوتي وين بلقياك
يالي سرقت القلب سرق الحرامي
لو يذكرونه من ورى الشرق ذكراك
لسري بدربك حافين بالقدامي
ولو يعرفون الناس شعري ومغلاك
كان انتشر صيتك ولالي ملامي
لاكن ترى ماحيلتي غير طرياك
وذكرى قديمه من سنين الفطامي
والشوق طفل يستحي يوم يلقاك
والحب طفله راعها بهتمامي
واحذر يزيد الحرح ويطول اجفاك
للنفس عزه بيعها ماتسامي
ولاتغيب عن عيني ترى القلب ينساك
قول المثل واقولها بالختامي
والحين ياضيفي تسهل بممشاك
واستر عليه باالكلام الهيامي
السلام عليكم ورحمة الله وبركاته

وعليكم السلام ورحمة الله وبركاته

صح السانك ياسيف وبيض الله وجهك

صح السانك وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك