*--(( إياك كثر الهرج ))--* ":':'؛':':':':':':

أبيات بعنوان :

*--(( إياك كثر الهرج ))--*

بقلم ✒: فواز بن محسن الزويهري


✒✒📃📃✒✒📃📃

إياك كثر الهرج ...وطول اللجاجة
أمشي نقا بالطول وابعد عن العرض

بعض العرب لجَّاج كنَّه دجاجه
لا فاد في قوله ولا انجز الفرض

في حاجةٍ يهذر وفي غير حاجه
دايم مع أهل الجود في ذمته قرض

ما يوفي اللازم ويكثر عجاجه
ليت الليالي تجعله داخل الأرض

الفيل في كبره غلاته بعاجه
لو يفقده لهل الطماعات ما يرض

والحوت لولا عنبره ما يواجه
حتى غزال المسك للمسك ينرض

والديك ما فاده مع الناس تاجه
دام الفوايد هزل ماله ابد حرض

✒✒📃📃✒✒📃📃

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ياسلام ياسلام يازويهري على هذا الابداع الغير مستغرب من شاعر مبدع وممتع
صح لسانك وفكرك مدد بلا عدد على هذه الجزاله

حفظك الله ورعاك

صح لسانك على القصيده
والله يـعـطـيـك الـعـافيـــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة