( لاتحسبه قصده يعارض حكومه )..إلى القدير / فوّاز الزّويهري

/
/
/
/
/
/
/
/
/
/
/
/
/
/
/
/
/
/

الرّزق عند الله عدله قسومه=لاكن نسعاله وناخذ بالاسباب
وكلا ً يبا يسعى يحقّق حلومه=ويرضي طموحه دامه الرّاس ماشاب
وخذّ قصّة مواطن عسى ماتلومه=كافح بعلم ٍ زين ماهو بنصّاب
لاكن كفاحه مامحاله همومه=في وقت يطعم شهد لانسان لعّاب
مسكين حضّه ماجلب قوت يومه=في موتره لفلف ولاشال ركّاب
ماغير راكب ماتسرّه هدومه=شاله وحطّه دون لاياخذ احساب
وإذا لقا راكب يسدّد لزومه=ياخذ قسيمه مدبله كل ماجاب
بعدين روّح يبسط بجحّ كومه=في موتره مجموع باخضار واعناب
في درب كثر اجناس فيها زحومه=وجاه المراقب يعطي انذار بخطاب
ليت الامانه بالمواطن رحومه=اسم ٍ بلا مسمّى ولا يكسب اعجاب
انظامها ياخوك مكثر رسومه=ياخذ ولاينفع ورى الرّزق طلاب
واليا دخل لسّوق قصرت عزومه= مادام حكم السّوق في يدّ الاجناب
ودّه بقاله تعطي الحض ّ قومه=لاكن راس المال واجد وغلاّب
عاش البطاله عاف زاده ونومه=لنّه بدا ينعاف باصحاب واحباب
شحّ العمل في فرصته طال صومه=دام العماله فالبلد ضدّه احزاب
ولو يشتغل بالفين ماهي خدومه=هذيك تخدمّ من تناديه( بيساب)
كل شي يافوّاز زادت سهومه =وماهو لمطلوبه بالالفين جلاّب
ولو هو شكى شكواه تاصل خصومه=ولاضنّ فيه انصاف والخصم كذّاب
والوقت يافوّاز كثرت رخومه=قلّ الشّجيع اللي ينومس للاقراب
كم ناس ضدّ الشّعب تكره قرومه=تمسكّ مناصبها وتقرصّ كما الدّاب
ومعلوم ابو متعب ّ تنومس علومه=لو هو درا عنهم يضرّبهم الباب
جاكم خطاب اللي تشرّف سلومه=وان كانه اخطابه محيّر للالباب
لاتحسبه قصده يعارض حكومه=حلق اللحا ماهو كما حلق الاشناب
حنّا مع آل اسعود حشمه لزومه=نبقى نصون العهد وانكيد الاغراب
ناقف معا ً والوقت نمحي جرومه=ومانقصر المجهود فكفاح الارهاب

صح لسانك وبيض الله وجهك

جزلة من راس جزل وموجهها الجزل

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح لسانك يابو عبيد
ابدعت
وننتظر ابو محسن

بيض الله وجهك
قصيده شامخه بمعناها وجزالتها
صح لسااااانك

قصيدة رائعة يابو عبيد تطرح قضايا إنسانية يعيشها ابن البلد

مرغماً 0

وتطرح اكثر من ظاهرة اجتماعية

ضحيتها المواطن ( وسببْها المواطن الآخر الذي لم يعاني ماعاناه المواطن الاول )

صح لسانك مدد بلا عدد وننتظر ابومحسن وصح السانه مقدماً

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يابو عبيد
ابدعت
وننتظر ابو محسن