يامعلم الجيل لك وقفات مشكوره ,.,.,.,.,.,.,.,.,.,.,.,.,.,.,.,.,.,.,.,

السلام عليكم
"
"
ألقيت هده القصيدة في حفل تقاعد مديرنا المربي الفاضل

الأستاذ / عماد عبد الرشيد الصائغ


أرجو أن تنال القبول والرضى

زينت بيت الشعر واحسنت ديكوره=وأاثثتله من حروف الشعر ديوانه
جبت المعاني تحف وأبدعتها فصوره=هندسة قاف بديع يليق باركانه
يزدان ليل الوفا يسطع لنا نوره=باسم الوفا الحفل هذا الليل عنوانه
للي زرع طيب وأطيب من زهوره=واليوم يقطف ثمر من نبت بستانه
يامربي الجيل خطوة منك ماجورة =شتت ليل الجهل وأغلقت ببيبانه
بنيت صرح الفكر وأعليت في سوره=والمجتمع جهدك المبذول سيسانه
طيار ومهندس وقاضي ودكتوره =واللي كتب فالورق واللي تلا امتانه
الكل لولا جهودك ما لعب دوره=فضلك عليهم كافضل الري في اغصانه
يامعلم الجيل لك وقفات مشكوره=الكون من نور علمك زانت ألوانه
واليوم في حفلنا بنكرم حضوره=حامل رسالة وغير شكل ميدانه
اسم التقاعد وجوب انعيد منظروه=لجل العطا مانقوم بقطع شريانه
متجدد اسمه لأنه جدد اشعوره=طليق مايحكم الروتين اشجانه
رسالة العلم لا ..لا تقول محصوره=ففصول وساحات ودق اجراس رنانه
رسالة العلم تحوا الكون وعصوره=من المهد للحد نستسقي احسانه
واستاذنا عماد خاض العلم وبحوره=واللي سبح في بحور العلم له شانه
ماهي وداعية ن لمجاد معموره=يانجم هادي لمن يسأل عن أوطانه
يابو رشيد الورود اليوم منثوره=والعطر يهدي لك الجوري وريحانه
وأعداد مابيت رب الخلق بنزوره=صلو على الهادي اللي صدق إيمانه

ياسلام يابو محسن
وفعلاً اسم التقاعد يحتاج له اعدت نظر
والمعلم يبقى معلم وانت استاذ ومعلم في حبك القاف
ماشاء الله عليك
.................
صح لسانك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك
على الابداع

	المشاركة الأصلية كتبت بواسطة صقر المراقيب

	ياسلام يابو محسن وفعلاً اسم التقاعد يحتاج له اعدت نظر والمعلم يبقى معلم وانت استاذ ومعلم في حبك القاف ماشاء الله عليك ................. صح لسانك

صح بدنك وسلم غاليك والله يبارك فيك يالنشمي

صح الله لسانك
ولاهنت
وسلم فكرك وبنانك
دمت برعاية الله وحفظة