اخر مواقيف السعد مع خالد الهزاع غير

بسم الله الرحمن الرحيم
السلام عليكم ورحمة الله وبركاته

في حفل الشيخ هليل مرزق الجابري لبعض شيوخ القبايل بالمدينه المنوره...


على سلم الجدود وعادتن ماتقبل التغيير=بدينا بالقصيد ومن جزيل الحرف منقيه.
تقدمنا وهاض الفكر لين استوطن التفكير=وحدد له مسار وقفل المعنى *بقافيه.
تلاعبي هواجيس الحروف وجات بالتيسير=لاقام البيت الاول يزهم الثاني مواليه.
معودني هجوسي لابدع في دقة التصوير=يقرب للبعيد الوصف مع كل احترافيه.
ليا حان اللزوم يسد ماله عذر بالتقصير=يكفيني ثلاثه والثلاث اهي *الضروريه.
عن الاسلام حدن لو تقلل نسبة التوقير=تبادع في هواجيسي بيوتن لااراديه.
ومن دون الوطن لادق ناقوس الخطر تنذير=على حدوده دروعن *فدوت تراب السعوديه.
وربعي عزوتي من دونهم لاشك دون الغير=ليامنه وقف من دونهم * وقفته *مثنيه.َ
ليا من *ازهموني جيت بالموعد بلا تاخير=لزومي واللوازم مابها هذي ولا *ذيه.
هلا يامرحبا بعداد مارفرف جناح *الطير=تراحيب المطر لاستمطرت بالارض وسميه.
بسم الجوابر مرحبا ترحيبة القدر الوفير=تراحيب الغلا من صادق الاحساس والنيه.
بشيوخ واعيان وضيوف وكل هالجمع الغفير=من اصحاب الوفا بالوقت وابنا العموميه.
تراحيب الهبوب البارده لانسنست اعصير=ليامن ذعذت من خالق الاكوان عصريه.
باسم الكريم اللي وفاه بساحة الدنيا تنير=ابوفهد وسيع العرف والطاله *مباديه.
اهليل اللي في طريق الاولات يحث السير=مواقيف السعد من طيب راسه جات عفويه.
فعوله بالكرم سطر لها تاريخنا تسطير=وله في صفحة الامجاد بالميقاف ماريه.*
قولة هلا للضيف عاده فيه من يومه صغير=كريمن قول يامرحب هلا دايم على فيه.
و لو قيل حاتم بالكرم ماله شبيه ولا نظير=اقول حاتم جيلنا هذا هليل *اهنيه.
عز الرفيق ومكسب الاصحاب بالراي الشوير=حلال صعبات الامور ونظرته *قياسيه.
الطيب من ساسه وساس الطيب بعروقه يسير=واليوم اشوف بعياله مراميه و هقاويه.
مربيهم كما رباه عودا" في طريق الخير=ولاخاب الولد لاصار يتبع هقوة *ابيه.
ربعه وربعي من بني جابر هل السيف الشطير=يشهدلها التاريخ بالامجاد والفروسيه.
زحولن صخرت للمرجله في وقتنا تصخير=بني جابر وساس العز والامجاد حربيه.
*قبيلتن واللي نصاها من بعد ربي يجير=موفيين الحقوق وباللوازيم القانونيه.
ربعي مذللت الصعب قدامها غصب القلوب اطير=بلاء العدوان يومن المعارك نارها حيه.
اهل الوفاء والقصه اللي مايشابها نظير=فعل البلالي لابن جاره نادر *الحدوثيه.
وتاريخكم ياحرب بالامجاد بالماضي مثير=وفي حاضر الدنيا مواقيف الوفاء بطوليه.
اخر مواقيف السعد مع خالد الهزاع غير=تكاتفتم ووفيتم ياحرب وجات مقضيه.
قبل لا ينتهي ميعادها جات الحشود اتسير=تزاحمتم على عتقه ياحرب وتمت الديه.
الله يثيب اللي سعى فيها ويجزاه الف خير=من حرب ولا من قبايل غيرها عموميه.
ولو مايصير بفعلكم ياحرب لاقمتوا يصير=يالعزوه اللي تعتزي بالطيب والشهاميه.
وكل القبايل والعوايل قدرها قدرن كبير=ارض الجزيره جمعتنا كلنا *سعوديه.
جمعنا الله على الطاعه جمعنا الله على التقدير=تواصلنا على السنه على مبدأ *الاخويه.
و اصل التواصل بيننا بالوقت الاول والاخير=بين القبايل من قديم اعصورنا *وراثيه.
قبايلن بارض الجزيره بينها القدر الكثير=جيران واصحاب و علاقتنا سوا مثاليه.
في ظل حكم ال سعود وكلنا عايش بخير=الله يعز الدار عن فعل العدا الشروريه.
وختامها صلوا على المختار بالبيت الاخير=على الرسول الهاشمي في منتهى قوافيه.

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسااااانك مليووون وبيض الله وجهك

قصيدة جزله في غاية الروعه والجمال والابداااااع

الله يعطيك العااااافيه دمتم ودام ابداااااااااعك

ودي واحتراااااااامي

لاهنت وصح السانك

تقبل التقدير والاحترام

وفقك الله