كلما قلنا تزين الليالي ماتزين البلاوي في عتمها تجينا مرفقه

كلما قلنا تزين الليالي ماتزين=البلاوي في عتمها تجينا مرفقه
هي تدورني وانا قمت ادورلي عوين=وكل زيزومٍ لقيت الزمن قد ارهقه
اتلفت بالشمال واتلفت باليمين=مالقيت الا الذي مالشوفته شفقه
نعنبوها كان حدّت على اللي مايبين=اللي يخبر ملمحه قبل لااسمع منطقه
والله انه مايبيح بالكوامن والكنين=الا لعتزت الذي ضايعه فيه الثقه
ياكم شخصٍ تحسبه من رفاقٍ مخلصين=والحقيقه لانطق كلمة (ابشر) تشرقه
انت لجل خوته مايهمك اي ثمين=وهو لاقدم المعروف الضعيّف زبرقه
صدق لاقال المثل من كلام الاولين=الردي كاس الوفا لازم انه يشلقه
ليت من خان العهد عقب عشرات السنين=ايتعلم الوفا لوتعلمه اسلقه
ويوم صاروا عزوتي بالمقابرساكنين=دنيتي وحطامها لجل ربي معتقه
وش لنا باحطامها عقب موت الغانمين=في عيوني باهته لوتشعشع مشرقه
خير منها بالسحر ركعتين وسجدتين=بيت تركي بن حميد سعد منهو طبقه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر محمد هابس
صح لسانك وعتلا شانك

صح الله لسانك
ولاهنت
وسلم فكرك وبنانك
دمت برعاية الله وحفظة

لاهنت وصح السانك

تقبل التقدير والاحترام

وفقك الله

شاعرنا محمد بن هابس ..
قصيده جميله وحكمه ولكنها والحق يقال ليست
على مستواك الذي عهدناك به يامحمد ..
اتمنى ان تتقبل وجهة نضري ولاتزعل وانت تعلم انني لا اجامل بالشعر ..
تقبل حضوري وبانتضار جديدك الجزل الذي تابعناه لك ..

صح السانك ولاهنت
ولاهان منطوقك

الحب الباقي

صح الله بدنك

واشكرك دائما على تعليقاتك....

شاعرنا القدير سعد المحمدي

صح الله بدنك...

مرورك وتعليقك وشاح للقصيده...

فهد ابن غانم

صح الله بدنك اخوي...

واشكرك على مرورك وتعليقك...