دنياك ياابن آدم منازل مبناه

،،

دنياك ياابن آدم منازل مبناه=لابدها تِخّلَى وتبقى بأثرها
وهنيْ من هو لابنى البيت علاه=بالسيرة العطرة بيوته عمرها
الطيب والمعروف والوجه والجاه=أسباب تخليدٍ لمن هو صخرها
وعزاه من يأخذ بالاسباب عزاه=من لا يوفقه الولي ما قدرها
مفتاحها ، بالله خوافي نواياه=سبحان من عِلمه يسابق نظرها
وهنيْ من هو لا ورث مجد لآباه=يحفظ عزيز أمجادهم ما دثرها
يزيد مجده مجد ويورث ابناه=يصنع للاجيال التوالي فخرها
لو القدر سبعٍ ويأكل بكلتاه=المؤمنين ارواحهم في قدرها
ومن يمتلي به درب لا سار بخطاه=ما عاد قدم رِجل وأخرى وِخرها
والثوب يقيسه من هو راغب فمشراه=في سوق يبدي درها من تبرها
ودارٍ لحقه القيض وأبعد ثرى ماه=وأيبس خصيبه ثم قَسّى مدرها
لابد ما عقب الدهر يوم محياه=تكاشف بروقه ويمطر مطرها
ولابد من نوٍ يخَضِّرّ بمرعاه=يحي هشيم القاع ويُنبِت شجرها
ويزين مرباعه ويازين مفلاه=تضحك نواويرة ويرقص زهرها
ووِرّدْ الضوامي كسرت الحاض بشراه=ولابد يعرف وِردها من صِدرها
ولابد ميرادٍ على غير مشهاه=ولابد مصدارٍ على غير ما أرهى
ولابد وارد غيرنا ما وردناه=من لا ورد حب وكرامه فـ كُرها
ولابد من يومٍ تيابس شفاياه=ولابد ما يبتل يابس نحرها
ولابد من يومٍ مسِيرَه فمضماه=ولابد ما ياطأ سهلها وعرها
ولابد ممشاة الرجل حسبت ارياه=إما كسبها يوم ولا خسرها
ما كان حكم الله قبولٍ ومرضاه=نجبر مشاعرنا على ما ومرها
وما كان حكم الوالي حنا قبلناه=محيي ما قال الله وسيد بشرها
وما كان في مذهب عرب ما جحدناه=نشهِد موامين الشيوخ وجبرها
وما كان حكم الغير فالحمد لله=حرب العظيمة مبتداها خبرها
نكبح نهارٍ فيه متخاذل اقضاه=العين تبرح دربها مع بصرها
ولابد من يومٍ كثير المثاراه=ولابد من يومٍ طواله قصرها
واجب على الرجال تكريم سبلاه=يوفي مطالبها ويحمى شعرها
لا قاد له ربه خصيمه فـــ يمناه=لحيه ما تافر لحيته ما وفرها
وإن جا نهارٍ شايلٍ داه فرداه=رد العواري بروسها ينتظرها
ردات حرب ومن نسينا عمدناه=هذي وجوب الروح والتَرك شرها

وسلامتكم

الأخ طلال المعبدي
صح لسانك وبيض الله وجهك على هذه المعلقة
لك اجمل التحايا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

وانت سالم وغانم


صح لسانك على هالرائعه

لـو القـدر سبـعٍ ويأكـل بكلـتـاه
المؤمنيـن ارواحهـم فـي قـدرهـا
ومن يمتلي به درب لا سار بخطـاه
ما عاد قدم رِجل وأخـرى وِخرهـا

الله الله عليك ... لله درررك ..صــح لسآآنك مدد بلا عدد قصيده جزله ووافيه من راس وافي .. وبيض الله وجهك على هالقاف الرائع دمت بخير

صح الله لسانك
ولاهنت
وسلم فكرك وبنانك
دمت برعاية الله وحفظة

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير

	المشاركة الأصلية كتبت بواسطة نافع الحربي

	الأخ طلال المعبدي صح لسانك وبيض الله وجهك على هذه المعلقة لك اجمل التحايا

نافع الحربي
ماعليك زود أسعدني حضورك ومرورك الكريم
دمت بخير

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
أسعدني حضورك ومرورك الكريم
دمت بخير

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]