(نبا نسوق الحرف سوق المطيّه )..إلى القدير / حسن علي البشري (العاصفه)

خالد بن عبيد الاحمدي=
يامرحبا ترحيبة ٍ وافيّه مـن خالـد عبيـد=بالشّاعر اللي لابدعنـا يجمّـل فـي ردوده
نبا نسوق الحرف سوق المطيّه بااطيّب البيد=ارض ٍ بـراح ودربهـا مايتعّبنـا سنـوده
حسن بن علي البشري=
تبقى وعنتر يسْمَعك هات ما عندك يابو زيد=يا شاعرن يكفيه فالشعر لا صرنا شهـوده
الحرف لِنْ جانا معززّ معانا عـزّه يزيـد=الشعرماده وأجزل الفكر و المبنى حـدوده
خالد بن عبيد الاحمدي=
مشكور يامذكور بالطّيب هذي ساعة العيد=جتني شهادة شاعر ٍ فالمثل تثمر جهوده
مالك ومال الضّلع ياذيب دوّرلك على حيد=الضّلع راسي والهوى ماهو امزحزح ركوده
حسن بن علي البشري=
العفو يا شاعر لا غنّى تقول الناس له عيـد=صقر الجبل يرقاه ماقَعْه دايم فـي حيـوده
الضّلع راسي وأنتْ راسك ما وايق حرة قديد=بين الجبال الشمّ لا وا شقا داحـم عضـوده
خالد بن عبيد الاحمدي=
دنياك ماتمشي مع النّاس حسب النّاس ماتريد=الوقت قاسي ياحسن والظّفر يثبت وجوده
يحزنّي المفطوم لاقام يبكي يطلب الدّيد=وياقوّ قلب اللي يلومه على كثرة وجوده