تجعل لها في جنة الخلد تمكين

	المشاركة الأصلية كتبت بواسطة بخيتان البشري

	ابدأ بذكرك ياكريمٍ وعالي = امرك نفذ فالخلق اول وتالين كل ما غدى غالي ويقفاه غالي = دنيا نعوها من عبادك كثيرين يالله يامعبود ياذا الجلالي = تجعل لها في جنة الخلد تمكين وتغفر جميع ذنوب يامن يسالي = وتجعل لنا من عقبها صبر ويقين وتعينها فالقبر وقت السؤالي = وتجعل لها برهان يارب وتعين يمه بعدك الحال عزي لحالي = فرقاك جرح وبالحشا قبل جرحين ما ارتحت يايمه ولا ارتاح بالي = وتاهت دروب وتوهتني عناوين يمه بعدك البيت فاضي وخالي = ماغير ذكرى باقية شافت العين تجمعو به فالزوايا العيالي = مع شايبٍ جاه الخبر طعن سكين الصمت خيم والحزن فيه جالي = واليا هرجنا قال نادوا لها وين هذا يون وذاك ببكاه طالي = شلال دمعه ترتويبه بساتين رحتي وفينا الهم بالحيل نالي = ولا نعترض حكم الولي فيه راضين له الامر فينا من اول وتالي = والحمد له في ساعة العسر والين وختامها عداد مالغصن مالي = صلوا على المختار وادعوا لها آمين

اللهم صلي وسلم عليه
لاحول ولاقوة إلا با الله

عظم الله الاجر و احسن الثواب
اللهم اغفر لها ورحمها وغسلها بالما والبرد
ونقها من ذنوبها كما ينقى الثوب الابيض من الدنس
مرثية تهز القلب وتفطره
صح السانك ولاهنت
مراقبنا وشاعرنا القدير
بخيتان البشري