من محاورات العياضي في عنيزة..

السلام عليكم ورحمة الله وبركاته...
انفل لكم هذه المحاورة التي جرت في محافظة عنيزة بين الشاعرين محمد بن حسن [ولد الخال]
والشاعر معتق العياضي الحربي ..

محمد بن حسن..
ليلنا توه عساكم تســـلمون,,
ألعبوا والكايد الليله يهــون,,
هو يمون الوقت ولا مايمون,,
والله الوالي ولاغيره ولي,,
عقب صياف السحيمي وصلنا ولد العياضي ** اثركم ياحرب ياأما فوق ضلع أو في حمادة
مانقول ان المدينه كبرها كبر الريـــــــاضي ** وإن بغيت النوم يابن الناس كبرت الوسادة

معتق العياضي:
يأهل عنيزة عساكم طيبين ,,
أبتدأ الموال ياربي تعـــــين..
وانت مدري باليسار أو باليمين,,
والله الوالي ولاغــــــــيره ولي,,
انت تعرفنا ترانا حرب في حاضر وماضي ** في فنون الشعر يارجال بإيــــــدينا شهادة
يامحمد ماتشوف البرق يوم البــرق ناضــي ** كان ماشفت البروق أقول لك زور العيادة

محمد بن حسن..
انتبه للدرب والساري سرا,,
كل رجلٍ عارف باللي جرا,,
والحريبي يمكن انه مادرا,,
والله الوالي ولاغيره ولي,,
نعم في ربعك وشرط إنك تروح اليوم راضي ** مانعرف الحر الاشقر غير في حزة هداده
دايجينٍ بالشعاب ودايجينٍ بالفياضــــــــــــي ** وانت لا ذالحين ماأنت بعارفٍ شوك الكدادة

معتق العياضي..
مانلومه مانلومه يالحـــــــروب,,
يوم صغر باسمنا هذا الكذوب,,
مانلومه يوم ضيع فالــــدروب,,
والله الوالي ولاغيره ولي,,
انت ماشفتك مع اللي واردٍ فوق الحياضي ** يوم ننظر في عيونه تقل ماذاق السعادة
العرب ماحطتك ياصاحبي للناس قاضــــي ** والله إنا عارفين اللي معــــه ختم العماده

محمد بن حسن..
ياصغير السن ويش اللي تقول ,,
يوم درت المملكه عرض ٍوطول,,
مشكله والمشكله ماله حــــــلول,,
والله الوالي ولاغــــــــيره ولي,,
لو عطيتك عشرة اريل وش تجيب من المقاضي ** ياجماعة خير ليت الورع يصحي من رقادة

معتق العياضي..
ياكبير السن أنا هرجي صحيح,,
ليت شايبنا محمد يســـــــتريح,,
العلم مرفوع لايمكن يطـــــــيح,,
والله الوالي ولاغيره ولــــــــي,,
مالك الإ خيزرانه ياأبو كتوفٍ عراضي ** نضربك فيها يا لين تهجد يا مال القرادة..
يامحمد كل سوداء ماتشابه للبيــــــاضي ** والله إني عابدٍ ربي ولا أخلفت العبادة..


ايضا هذه المحاورة في محافظة عنيزة بين الشاعرين أبراهيم الشيخي الزهراني
والشاعر معتق العياضي الحربي..

ابراهيم الشيخي:
يامعتق مايسمى معتق الإ المعتق من النــــار..
بعد سموك معتق كنك اللي ضـــامن الجنة..
هذا فصل الشتاء معروف فيه البرد والامطار..
وبعد شهور تقبل لك السموم ولاهب الكنه..

معتق العياضي:
بعد سموك ياأبراهـــيم باسم الســيد المـــــــــختار..
عسى دعوتك ياابراهيم ممشاها على الســـــنه..
ليا مني ركبت الخيل أبا أمشي في ربوع الدار..
تولم ياصحيبي كان جتـــــــــك الخيل مــــستنه..

ابراهيم الشيخي:
ليا منك بغيت الدلــــــه اللي بهرت ببهـــــار..
لزوم إنك على المحماس تازن حمسة البنه..
ليا منك ركبت الخيل ركض الخيل فالمضمار..
لعل قبل ماتاقــــع تزم الــخيل وتعـــــــــــنه..

معتق العياضي:
توصيني وانا شاعر وفاهم واعرف الشــــــعار..
انا ماني بمحتاج لنصـــــــــايحكم بلا منه..
انا ماشي طريقي وانت اشوفك واقف ومحتار..
صحيبي ماشي الاثـــــــــــنين لاكنه ولاكنه..



ودمتم بخير...

الشاعر : فهد المحسن
بيض الله وجهك و يعطيك العافية على هذا النقل الراااااااااااائع
و صح لسان الشعاااااار
صراحة أن الشاعر / معتق العياضي أبدع بتلك المحاورتين ،، ،، و نلاحظ تحسن ملموس بمحاورته هاذي عن المحاورات السابقة ،،، ،،، نتمنى للشاعر/ معتق العياضي الحربي التوفيق
و تكفون ياحـــــــــــــرب معتق لاتخلووووووووونه

بيض الله وجهك يالغالي

بيض الله وجهك و يعطيك العافية على هذا النقل الراااااااااااائع

الله يـعـطـيـك الـعـافيـــــــــــة

بيض الله وجهك

ألف شكر على المحاوره
يعطيك العافيه ...
تحياتي .

ألف شكر على المحاوره