مرثيه بـ الشيخ / رباح بن طعيميس المريخان

	المشاركة الأصلية كتبت بواسطة ســعود

	مرثية بـ الشيخ/ رباح بن طعيميس بن مريخان شيخ شمل الجملا من بن سالم من حرب رحمه الله تعالى.. رباح،، ثقله ثقل سنجار وطويق=أرض المشاعر زُلزلت من فراقه تهشمت عوج الضلوع المغاليق=والدمع فاض,وماطر الحزن ساقه بركان تأكيد الخبر جفف الريق=وأحرق بساتين الأمل بندفاقه يالحرف حلق فوق ذكراه تحليق=لو كان منت بواصل أخر نطاقه لاكن تنقى فالزهور المفاتيق=واقطف على هونك من الروز باقه مرحوم ياشيخٍ رثته الطواريق=شيخٍ بناء مع كل وافي علاقه فقيد حرب اللي رقى فالمشاهيق=يعشّق أفعول الطيب قلبه أعشاقه بكت عليه أُمٍ حكم قلبها الضيق=حتى قراح الماء حرمها مذاقه أمساء ولدها بين سجن وتحاقيق=شهور تنخى ربعها والرفاقه ماحصلت فيهم جمل يقدر يطيق=الحمل زايد،،مالهم فيه طاقه نصت رباح وقال:/ يالله توفيق=بإذن الله القادر لحقق إعتاقه فكه,,وجاء يكفخ بليا مسابيق=ساقه لدار أمه لهيب إشتياقه أُمٍ تويق, وتجلس شوي, وتويق=ترقب مجيه, بين طاقه وطاقه ويبكيه مديونٍ على المحكمه سيق=أموثقٍ بقياد،، وأطلق وثاقه راع العطاء مخلي بطون الصناديق=عون الضعيف اليا أبتلاله بعاقه كم أرمله لله رب المخليق= تسحب حوالاته، برقم البطاقه كافل يتاما للكفاله مشافيق=الفقر كاسيهم من الجوع طاقه الوصل من عقبه عيونه مغاريق=ياما دفع للوصل ، ماله وساقه ركن قبيلة حرب,في حزة الضيق=أقسى المواقف ماتبين أرهاقه عساه في ضل الجنان المواريق=يقطف ثمرهن في نعيم ورواقه يسقى رحيقٍ ماتوزع ولاذيق=بازكا عطور المسك محكم غلاقه هذا عزانا لرجال المطاليق=أهل الوفاء وأهل الكرم واللباقه سعودعبدالله الجميلي..

سعود صح السانك مليون هذه القصيده اعتبرها شيخة قصايد الرثاء
حسب رأيي والله يجبر عزانا وعزاكم ياالجميلي ويرحم رباح رحمةٍ واسعه
انّه هو السميع العليم والقادر على ذالك:::::سعود لك اجمل تحيّه وتقدير
ودمت بخير وسعاده

	المشاركة الأصلية كتبت بواسطة مساعد الجليدي

	سعود صح السانك مليون هذه القصيده اعتبرها شيخة قصايد الرثاء حسب رأيي والله يجبر عزانا وعزاكم ياالجميلي ويرحم رباح رحمةٍ واسعه انّه هو السميع العليم والقادر على ذالك:::::سعود لك اجمل تحيّه وتقدير ودمت بخير وسعاده

مساعد الجليدي,,صح بدنك رأيك تاج على راسي الله لايهينك
أمين الله يرحم ابوعبدالله ويدخله فسيح جناته