حمد لله يو يسّر للبلد و اغناها

	المشاركة الأصلية كتبت بواسطة الصييفي

	حمد لله يوم يسّر للبلد و اغناها= صار للمرأه بديرتنا حسابٍ جاري كل ما تبغي فلوس ارجولها بحذاها= يمّة الصرّاف لو بالليله القمّاري تسحب، و تودع، بكلمة سِرّ ما تنساها= وان نست في ذاكرة جوالها من ضاري دام زوجه حيّ أجار البيت ما يعناها= و الرواتب للعماله قَسْم طاف الناري و مصرف الجوال و الكهرب و مصرف ماها= كلها من حِسْبتِه ما له شكر، و اعذاري و لا توفى- بعد عمر اطويل- شيكه جاها= من التقاعد أو من "الشونه" بأمر الباري و "الكوافيره" هذاك اليوم ما تنساها= كان وقت امناسبه و الا لفوا زوّاري و الشنط تمشي مع الحذيان في ممشاها= "سان لوران" او "شانيل" او من عمل "بولقاري" المره ما تذكر الا ما عطت يمناها= و ما خذت بيدينها الثنتين ما له طاري ما أعمِّم بعضهن ما هو ردي مجناها= في كرمها زود لكن في كرمها اتماري و انت يا رجالها إياك أن تعصاها= دامها تمشي بمشِّيها و لا تحتاري و لو يطيح الدلو ألحقها وثيل ارشاها= و اطلب الله ثم دوِّر لك على مسياري وحدةٍ مقطوعة الصيحه و ربي اغناها= عندها بالبنك حسبه من ثمان اصفاري ثم خلِّك طَوع و امش بأمرها و ارضاها= دام دلوك ما تجيب الما و سلكك عاري لا تقولوا قصته، مناب انا و اياها= حمد لله مثلهن ما احطّها في داري كل شيِّن تطلبه أم العيال افداها= و تاخذه و انا مسوِّي كن ماني داري

صح السانك لاهنت
واهم شيء انكم ماشين في كل الاحوال سوا دفعتم او حنا دفنا
حسب ما جا في القصيدة
ومازال الرجل يسب المراة ويجري خلفها؟؟؟

كلمة حق الله من واحدة متكفلة في بيوت مو بيت

	المشاركة الأصلية كتبت بواسطة الكحيلة

	صح السانك لاهنت واهم شيء انكم ماشين في كل الاحوال سوا دفعتم او حنا دفعنا حسب ما جا في القصيدة ومازال الرجل يسب المراة ويجري خلفها؟؟؟ كلمة حق الله من واحدة متكفلة في بيوت مو بيت

ههههههههههههههههههه

الله لا يخلينا منكم

وش حنا بدونكم؟

صح قلبك

و شكرا لتشريفك يالكحيله

و النص كان للداعابه لا أكثر و لا أقل

و معاذ الله ان نتجرأ على سب الأم و الأخت و الزوجه و البنت

و الله يقويك ويجعله في موازين أعمالك

لكِ كل التقدير