ديوان الشاعر الصييفي

قَطْع الإشارة((كسرة))

النذل قص الإشارة قصّ= ربك يقصِّه من أطرافه
أنا اعتبر من قطعها لصّ= مشيوف أو ما حد(ن) شافه
هو يحسبه في البلد مختصّ= بسواقته، بس هو تافه
يخالف الانظمة بالنَّصّ= ويرمي تعاليمها خلافه
في المرتبة جالس مجعِّصّ= سَرْحان و لا حد(ن) طافه
و الى بغيته بكلمه، وصّ= تكره ملاقاه و تعافه
و الى شرب جغمة الما غصّ= مترف، و عقله على حافه
و يمشي على الرِّجْل حبَّه و نصّ= يهز و يميِّل أكتافه
كم واحد(ن) فصّ عظمه فصّ= و لا طاع ربه و لا خافه
جا للمسالم و خصِّه خصّ= و لا وِقَفْ يطلب اسعافه
لو ان مرورنا مخلص= ما شفت هذا و لا أوصافه
لا شك جالس على العصعص= نايم، و يِدوْرْ كشاّفه