شكراٌ للقائيمن على تكريم الشاعر محمد الحداري وشكر خاص للشاعر بدري الهويملي

	المشاركة الأصلية كتبت بواسطة محمدالخضراني

	الله يعطيك العااافيه كل الشكر .......

الله يعافيك ويعافي الجميع

شكرا لحضورك

الاخ ماجد الحربي
محمد الحداري يستاهل كل خير وتكريمه من وفاء ولد سليم
عليه بياض الوجه والطيب ماهو غريب على أهل المليحا
والحمد لله ان الحداري تم تكريمه في حياته الله يطول عمر ابو فهد
ويتم عليه الصحه والعافيه

	المشاركة الأصلية كتبت بواسطة بدر الهويملي

	أول شئ اشكرك على مشاعرك النبيله تجاهي ياأخي ماجد ولست أفضل من الموجودين بل أقلهم شعرا وسنا ولد سليم يستاهلون والله كل شئ ويعلم الله أنهم مفرحينا ومفرحين كل حربي على وجه الارض تكريم جميل ورائع للشاعر الكبير والقدير / محمد الحداري أشكرك ياأخي ماجد مرة ثانيه واشكرك على الاطراء الذي لاأستحقه

الله يرفع قدرك ويعز شانك والله يطول بعمرك .. والنعم بكل الشعراء ووفو وكفو ..


الله يفرحنا بطاعته والله يديم المحبه بين المسلمين وأبناء القبيلة ..

الشكر لك أخي بدر الهويملي والأطراء تستحقة وبكل ثقه وجداره ..

لاهنت على الحضور

	المشاركة الأصلية كتبت بواسطة لاحوق الحربي

	شكرا لك ويستاهل شاعرنا الكبير وبيض الله وجيهكم جميع

لاهنت أخوي وحياك

	المشاركة الأصلية كتبت بواسطة حميدان العوفي

	حقيقة انه مهرجان كبير و رائع بكل المقاييس بيض الله وجيه ولد سليم عامة و الشيخ/ عبد الكريم المطلق السليمي رئيس مركز البعايث خاصة على هذا الحفل الكبير الذي يليق بمقام شاعرحرب/ محمد بن شبيب الحداري السليمي الحربي. و صح لسان الشاعر / بدر الهويملي على قصيدته الرائعة. صراحة و بدون مجاملة انه اكبر حدث حفل شاهدته .. و لا اكون مبالغاً إذا قلت انه اكبر من مهرجان ام رقيبة يعني شئ يعجز التعبير عنه. و اخيراً اقول و الله انك تستاهل يابا فهد التكريم و الجيب الـ 2012 و الدروووووع و الله يعطيك من خيره و يكفيك شره

تستاهل الطيب ياحميدان

ومقدرين هالروح الطيبه الي فيك

ويستاهل الشاعر محمد الحداري كل خير وطيب

	المشاركة الأصلية كتبت بواسطة فهد فهيد

	يستاهل محمد شبيب الحداري =يستاهل التكريم من كل حربي شاعر قبيله ما ادرق با المذاري = مثل قبيلة حرب شرقي وغربي مندون ربعه صار رجل انتحاري = ويقو انا انصر كل من يفتخربي اطلب مجارتها من الشعراء حتى تصير قصيده وابو فهد حقه على كافة قبيلة حرب وهو شاعر حرب عامه وليس ولد سليم فقط

صح لسانك أخوي فهد ويستاهل الشاعر محمد الحداري كل خير


ولاهنت على الحضور الطيب والمشاركه الجميله

	المشاركة الأصلية كتبت بواسطة فتى تبوك

	اخي ماجد الحربي أولآ الله يبيض وجه ولد سليم على الحفل الراااااااااااائع الذي يليق في مقامهم ويليق في مقام شاعرنا محمد الحداري الله يطيل في عمره على الطاعه ثانيأ بكوني من القريبن والمقربين من شاعرنا سعد المحمدي سئلته أهل تحظر حفل ولد سليم للحداري فقال القائمين على الحفل والشيخ عبد الكريم يعرفون سعد المحمدي شخصيأ ومنهم الكثير في تبوك وعلى تواصل معهم مستمر ولم تاصلني دعوه رسميه من الجنه المنظمه ومن راح بدون داعي يجلس بدون فراش اخي الغالي ماجد الحربي والقصيده التاليه في حفل ولد سليم في منطقة تبوك الذي حضر فيه الحداري والشيخ عبد الكريم رباح المطلق وبعد أنتهاء شاعرنا من القصيده قام الحداري واقف على الاقدام ينادي بصوت عالي جيبو الشاعر وحضر له شاعرنا سعد المحمدي وسلم عليه وطلب منه القصيده ووضعها في جيبه وقال القصيده تاريخيه بالنسبه لولد سليم وماذكره الشاعر من معارك حقيقيه وتطرق لشرح ماحدث في معركه الفقير وقام الشيخ عبد الكريم وسلم على الشاعر سعد المحمدي وشكره على القصيده الجزله والقصيده التي تاليها لشاعرنا سعد المحمدي الذي لم يسبقه أحد في مدح الحداري اخواني ماذكرته ليسى دعايه لسعد المحمدي لكن الكثير يلوم عليه بعدم الحظور ولا يدركون سبب عدم حظوره أخيرأ الله يبيض وجيه ولد سليم على الحفل الراااااااااااائع لشاعر له مواقف دون القبيله تقبلو أجمل التحايا من اخوكم عبد العزيز المحمدي 1سـلام فـي ليلـه تجـلا بالانـوار=في حفل حلويـن النبـاء والقبالـي 2 عداد ماغرد على خضر الاشجـار=جول الحمام للي مع العصر جالـي 3 على جميع الناس من كـل الاقطـار=أهل الحفـل وضيوفهـم والاهالـي 4 ليا دعانا راعـي الطيـب والكـار=نجيـه لـو انـه بعيـد المنـالـي 5 لو يذكرونه من وراء ضلع سنجـار=وانا علـى حـد اليمـن بالطوالـي 6 لاجيه لو أني علـى الرجـل سيـار=شديـد الحربـي عريـب الخوالـي 7 من لا بتاً يوم المغـازي والاخطـار=شجعان لا ركـب الرشـا للمحالـي 8 سلايمـه لاشبـت الـنـار لـنـار=مايذبحـون الاشجـيـع العيـالـي 9 لهم بوادي الحمض تاريـخ واذكـار=تمحى النفـوس ولامحتهـا الليالـي 10 كون المصيقر فيه نسمـع بالاشعـار=الـواو غنابـه بيـوتـاً جـزالـي 11 يوم أن أخوسكره علي قحص الامهار=يقول مـن عيـن زبـون المتالـي 12 يبغاه فـي شلفـا تقـل حـد بتـار=وصـلاح مرخـي راسهـا للقتالـي 13 وسعد يقول اليـوم ماتفيـد الاعـذار=الخيل مـن فعلـه ركبهـا جفالـي 14 القـوم هجـو يمـة الضلـع عبـار=ولولا جناب الضلع جاهـم هبالـي 15 اثنين منكم مـا بهـا شـك ونكـار=والثالـث اللـي مابعرفـه جدالـي 16 هرجا ًصحيح ولا على هرجي غبار=كـلام شأيـب للحقايـق روالــي 17 ياما مضى لهل المليحـا مـن ادوار=المـدح فيهـم والقصيـد استوالـي 18 بمدرجه قالوا ترى عيـب الاعـذار=دون المليحـا نطعـم المـر حالـي 19 من دونها صار احمـر الـدم فـوار=في يوم يرخص فيه ماكـان غالـي 20 ويوم الفقير ماعطـوا فيـه الادبـار=مـن فعلهـم واديـه بالـدم سالـي 21 بسيوف هنـدا ًتـودع الـدم نثـار=راسا ًينوشنه علـى الجنـب مالـي 22 تشاور بالـراي صلبيـن الاشـوار=ثم عقلـوا حـم الـذرى بالعقالـي 23 خلو عقيد القوم يبرك علـى الـزار=ويقـول ياليـت الغـزو ماطرالـي 24 عاف المكاسب ما يبي خيل وأبكـار=يبغـى السلامـه ميـر ياهمـلالـي 25 ويوم الحوار يحن من هول ماصـارا=لام وسقـت مـن بعيـد المفـالـي 26 مبشره بامـه وفـاء واف الاشبـار=جاب القلايع مـع جميـع الحلالـي 27 قالو اسمعوني عند زينـات الاوبـار=العمر عنـدي مـا يسـوي ريالـي 28 ابوه فوق اللي بها الوصـف يحتـار=القـوم مـن فعلـه عـدة للجبالـي 29 أفعالكم ما تنحصروسـط الاسطـار=عديـت مسمـع ياكـرام السبالـي 30 وبعده نزحتم يـا بعيديـن الانظـار=من لحجـاز لنجـد زيـن المفالـي 31 تتلون حمراً مارعـه دمنـت الـدار=نسع الغوارب والقوايـم جـلا لـي 32 ترعون فيها بالخطر عشب الاخطار=ان ربعـة بالشـرق والاشمـالـي 33 يفرح بكم طرقي مع الـدار مـرار=يلقـي الشبـب ومبهـرات الدلالـي 34 حق الخوي والضيف والثالث الجـار=ماترخصونـه يابـعـاد المـدالـي 35 لو ابعـدد ضـاع ميـزان الافكـار=اكتب تاريخ ابطال ماكتـب مقالـي 36 قلته وانـا ربعـي طنـا كـل غـدار=محمـدي مـن واسميـن الهلالـي 37 من فوقه الردعه على الخد ويسـار=والشاهد للـي مـن تحتهـن يلالـي 38 ياما غزينا فـوق زينـات الاكـوار=وقت المغـازي فـي قديـم الليالـي 39 ونفكهـا لاصبحـت والفشـق ثـار=رصاصنا يشـدى لوبـل الخيالـي 40 كم فرسا ًمن فعلنـا طـاح منهـار=عليـه خلـي لطيـور اجتـوالـي 41 نذبح كبار القـوم مانذبـح اصغـار=أمـا عقيـد اركـاب ولايحـالـي 42 من هازنا نسقيه كاسـات الامـرا=ريشرب هماج و شرب ربعي زلالـي 43 عديت شيا ًيأهـل المعرفـه صـار=ماقلتهـا قــدام يـاتـي مجـالـي 44 كتبـت لتاريـخ وصغـار وكبـار=حقأيقـا ًمـن راس ابويـه وخالـي 45 والعلم عنـد الله رفـاع الاضـرار=رب العباد اللي على العرش عالـي 46 والناس كلا ًمن وراء حقـه ا خيـار=لا والـذي يسمـع دبيـب النمالـي 47 مهضم حقوق الناس حشمة ومقـدار=الظلـم ظلمـا والتعالـي خمـالـي 48 وبعروضهم مأني تقل حـد منشـار=ولاقف على طـي القليـب الهيالـي 49 سوالفـا ًماهـي سواليـف هــذار=جحاد طيب ومـن مواكـر خبالـي 50 بندق تثور بـدون توقيـت وعيـار=لعـل فـالـه مايـوافـق لفـالـي 51 عن القصور المعذره سـر وجهـار=ماقـول كامـل يالرجـال الغوالـي 52 مافيه كامل غيـر عـلام الاسـرار=محي الهشيم ىاللي من وقت بالـي 53 وختامهـا منـي للاجـواد معـذار=كـان الاجابـه ماتنـوش السؤالـي 54 وصلاة ربي عـد همـال الامطـار=على الرسول اللي مشـى بالعدالـي والقصيدالتاليه بالشاعر الكبير محمد الحداري يابو غنيم ان جيت دار الحـداري = اسلم وسلم لي على طيب الصيـت اعداد ماهبـت هبـوب الـذواري= وعد النجوم وعد ما أصبحت و أمسيت معزب الخطـار ذيـب الغـداري = مشـرّع البيبـان ماقفـل البيـت يعرف محلـه ليـل وإلا نهـاري = بيّن مثل روس الجبال المناعيـت للطيب في وجهه تشاف المـواري= ما قال من بعض المسايـل توذيـت يذبح لضيفـه غاليـات المشـاري = والجار مايخفي عنه عود كبريـت راع الدلال اللي على جال نـاري = أعماس راسك تطرده لاتقهويـت ريف القريب وللخصم سم هـاري = حقايقٍ ماهـو مهايـط سرابيـت خـوي جنبـه يامنـه بالمسـاري = ماقال من خوتـك يافـلان مليـت البدو لا شالـو يشيـل المبـاري = بدّاء على نفسه قصيره وأنا أوحيت ماعمرها صارت بكـل الديـاري= موقفه بالطيب من يبعـث الميـت مواقفه دون القبيلـه جـهـاري= علمٍ مثبـت بالتواريـخ تثبـيـت بين القبايـل بالحـداري نمـاري = وليا مدحت معرّب الجد ما أخطيـت مدحي لشاعر حرب سر أفتخاري = وفي مدح راع الاولـه ماتوانيـت شاعر كبير وللشعـر ما استعـاري = يسكّت الاخصام بالشعـر تسكيـت من روس قومٍ للعـداء مـا تداري = اللي لهم تخضـع كبار الطواغيـت لا حولـو بسيـوف وإلا شبـاري = قومٍ تشتت مقدم الجمـع تشتيـت أهل المليحـا ناقليـن السـواري = والنعم فيهم عـد بالعيـن ماريـت رجالهم قلبه من الخـوف عـاري = لاشبت الفتنـه عيـال العفاريـت كم شيخ صبحهم لحمـر البكـاري = عليـه خلـي للعـذارى تناهيـت لا صار كر وفر فـوق المهـاري = تارد على عد العداء صبح وتبيـت اليا اختلـط بارودهـا والغبـاري = كم فارسٍ لاشافهـم قـال ذليـت ما قلت غير الصد ق والكل داري= وأهل الحسد بهروجهم ما توحيـت سود النوايا والعقـول الصغـاري= لأقبلت تضحك لـك وتشتمـك لأقفيـت توحيد راي الناس صعب المداري = وأنا لهرج الصدق يالربع عديـت ماقلتهـا ليـه مـام وطــواري = ومسممين الهرج عنهـم تواريـت أخلفت عنهـم بالبدايـه مسـاري = وفي قول جهال العرب ماتشقيـت واختامهـا ياللي بالاسـرار داري = راجيك حسن الخاتمـه لا توفيـت

والله يبيض وجهك ووجه من يسمعه ..

لاهنت يابعد رأسي الحفل للجميع والدعوه عامه ..

وأنت والشاعر سعد المحمدي تعزمون علي الحفل لانكم منا وفينا ..

وصح لسانك الشاعر سعد على القصيده الطيبه والوافيه وكذلك صح لسان الشاعر محمد الحداري ,

ولاهنت على الحضور الطيب

	المشاركة الأصلية كتبت بواسطة النور الابيض

	الشاعر الكبير محمد شبيب الحداري يستاهل التكريم والله يبيض وجيه ربعه ولد سليم على التكريم الذي يليق في مقام ابو فهد

والله يبيض وجهك على الحضور ووجيه حرب كلها

	المشاركة الأصلية كتبت بواسطة سعد المحمدي

	الاخ ماجد الحربي محمد الحداري يستاهل كل خير وتكريمه من وفاء ولد سليم عليه بياض الوجه والطيب ماهو غريب على أهل المليحا والحمد لله ان الحداري تم تكريمه في حياته الله يطول عمر ابو فهد ويتم عليه الصحه والعافيه

تستاهل الطيب أخوي سعد المحمدي وياهلا وغلا فيك

وكل الشكر لحضورك الطيب

السلام عليكم ورحمة الله وبركاته
سلمت ودمت أخوي الاستاذ ماجد الحـربي على الموضوع .
.
وشكرا خاص للشاعر الكبير بدر الهويملي
.
جزاك الله خير
أخوك ابوساره