تكفون ياهل الملتقى نادو لنا خالد فهد

سعد المحمدي=
تكفون ياهل الملتقى نادولنا خالد فهد= مبغى غشيمٍ ياجماعه يطمر الجدرانيه
الناس قالو له ثلاث اثياب في وسط البلد= وانا مكذب لين شفته بالثياب الثانيه
خالد فهد الحربي=
خالدفهد عندك حضر وزهم وهات اللي بعد=وعرف حدودك لاتعداها ولوهي ثانيه
كل الثلاثه لي والرابع وبه شيٍ جدد=لاكني ماتسمى في اسامي العربانيه
سعد المحمدي=
العام مثل اليوم حصلناك عايش في كبد= وفزعة مفزاع الوفاء وصبحت انا الغلطانيه
اليا اعترفة اما حصل عليك سجلت السند= يعيب دسمان المسمى كثرة البيبانيه
خالد فهد الحربي=
العام فيه الناس يابن الناس تصقع بالعمد=واليوم مانبغى يجي وسط البلد دخانيه
اماالغلط مابه غلط وانته حصان ومجتهد=وانا تراي اوحي ولاتوحي جميع اذانيه
سعد المحمدي=
العام مبغى توم الاول فيك يمرح ويهبد= مبغاك ياحوت البحر تسكت على الحيتانيه
ياطيبكم ياطيبكم لولا المراوغ والحسد= توحي وماتوحي ولكن سم بالرحمانيه
خالد فهد الحربي=
صدقت من قالو ترا ماكل علمٍ له مرد=بعض العرب تنبش قبوراٍ في لحدها فانيه
وش عندكم من علم عنا قول ليه ياسعد=بسم لله الرحمانيه عوذا من الشيطانيه
سعد المحمدي=
ترى الحقايق ماجحدها لاحمود ولا حمد= مير انت ماتبغالها طاري مع العربانيه
عندي علومٍ واجده ياعين صايبها الرمد= لكن مبغى ازعل الجيران والصدقانيه
خالد فهد الحربي=
من طاوع المزهاف صبح قومها ولا هجد=خلك ثقيل ونظرتك يرجح بها الميزانيه
ابعد عن الحد المطرف ونت رجال او مسد= خصٍ ليا فكرة في خدمتك في جيزانيه
سعد المحمدي=
علم بها نفسك ترى صاحبك صاحي مارقد=لاتخلطون الثوم يالاصحاب بالريحانيه
مبعد ولكن صابني من مزنة الحاسد برد= اليا استهلت بالقصيم اتنوش لاعسفانيه
خالد فهد الحربي=
تبغا الحقيقه لي عن هذي مجال ولي مصد=وليا احتملتك فعتبرني محتملي عانيه
حنا نعيش بخير لابه لاحسود ولاحقد=وان كان به عودٍ يدخن جنب الدخانيه

ياسلام ياسلام محاوره من الوزن الثقيل صحت السنتكم سعد المحمدي وخالد فهد ابداع وجزاله متميزه ولاهي غريبه عليكم بيض الله وجيهكم ولانعدم تواجدكم والله يحفظكم ويرعاكم
:0 736::073 6:

	المشاركة الأصلية كتبت بواسطة مضحي بن جمران

	ياسلام ياسلام محاوره من الوزن الثقيل صحت السنتكم سعد المحمدي وخالد فهد ابداع وجزاله متميزه ولاهي غريبه عليكم بيض الله وجيهكم ولانعدم تواجدكم والله يحفظكم ويرعاكم :0 736::073 6:

الشاعر الكبير مضحي جمران صح بدنك وبيض الله وجهك على التنشيق وجمع المحاوره في ايطار واحد تحياتي وتقديري

صح لسان الجميع وبيض الله وجيهكم صراحة
محاورة ممتعة جداً جداً . وشكراً للجميع:

	المشاركة الأصلية كتبت بواسطة ابوفهد الحربي

	صح لسان الجميع وبيض الله وجيهكم صراحة محاورة ممتعة جداً جداً . وشكراً للجميع:

الاخ ابو فهد الحربي صح بدنك وبيض الله وجهك على المرور والاشاده

000000000000