ياسلام الله على اللي يردون السلام

جميل بن حميدان=
ياسلام الله على اللي يردون السلام = ردةٍ للي يردونها مظمونها
ياعميل الشعر هيا تقدم للوسام = واستلم مني وسام الحروب وشونها
عبدالله سنيدالحربي=
مرحبا ترحيبتن من وفاها ماتلام=كل ماشافتك مقبل تشب اعيونها
انت لاامتوج مفوض ولاقاضي نظام=كيف جبت اعلوم محدن عرف قانونها
جميل بن حميدان=
البقا وانا تراني على احسن مايرام = وانت صاير مثل جمرة على غليونها
الكلام اخذ وعطا ذا كلام وذا كلام = فتح عيونك وشف كافها مع نونها
عبدالله سنيدالحربي=
ماعليك اخلاف دامك على وسق السنام=انت واصل منزلة عز مايصلونها
فاهمين العلم لعل جدك للرحام=انك اعطيت اوسمة شعر مايعطونها
جميل بن حميدان=
ماعليكم زود كلٍ وله قدر ومقام = والدروب الطيبه كلكم تمشونها
وش فهمت الله يسلمك من ضرب السهام = كلمة وكلمة وتفريقها من لونها
عبدالله سنيدالحربي=
ياجميل العلم فالشرق وانته رحت شام=ترمي الشاره وسهمك وقع من دونها
مانبي نضربك والضرب فالميت حرام=سيفنا حامي لروسن تهز متونها
جميل بن حميدان=
لام ماهي لام الف لام ميم تصير لام = والقوافي ماتفسر بطيب لحونها
حب كوعك وابشر ماتقوله ياغلام = روسنا بدري على مثلكم ياجونها
عبدالله سنيدالحربي=
ان بذلت الجهد محدن يلحقك الملام=يالعلك تفهم الكلمه ومضمونها
ماعلينا مستحيلة ليا ثار العسام=المجنن لاوقفنا تهجد اجنونها

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

تسلم يارابح الجحدلي على هذا الجهد المميز


واشكرك جزيل الشكر

مادخلنا للمعارك بلا درع وحزام = والصعيبة لك ترى عندنا ياهونها
قدها وقدود والمسك والعنبر ختام = والامانة ماليقينا بعد مامونها

	المشاركة الأصلية كتبت بواسطة جميل بن حميدان

	مادخلنا للمعارك بلا درع وحزام = والصعيبة لك ترى عندنا ياهونها قدها وقدود والمسك والعنبر ختام = والامانة ماليقينا بعد مامونها

صح لسانك

الوعول الثايرة وضعها ماهو تمام=غير تصدم بالجبال وتطيح قرونها
انت ماقصرت لك عندنا كل احترام=استرح تحت النخل واكل من عرجونها

وشكرن لك وصح بدنك يالمزروعي


وتشرفت باللعب معك

تقبل تحياتي

صح لسانكم وسلم بنانكم تحياتي .