مطلوب حفيد الحجيري

بيض الله وجهك ياحفيد والله اني تشرفت باللعب معك

واقولك صح لسانك والنهايه عندك اذا حبيت

عواض لافي=
سلام الله عليكم عد ماهبت هبوب النود=سلام ن فيه ريح المسك والعنبر مع الكادي
تقدم ياحفيد الله يعينك وابذل المجهود=زمانك ياوسيع العرف يبغى جهدوجهادي
الحجيري=
هلا يا مرحبا ترحيبة أهل الجود بأهل الجود=عدد سكان أهل بصره عدد سكان بغدادي
تهيض يا ولد لافي وحبل الطيبّه ممدود=ودنياكم تراها بين نزّالٍ و شدادي
عواض لافي=
يدوم ابك البقا والله يعز الدين وآل سعود=رجالن فاللوازم نورهم مثل القمر بادي
انا اشوف الشواوي ياعرب يطمع براع الذود=وحنا فالمواقف ياحجيري سقمٍ للعادي
الحجيري=
آمين الله يحفظ ديننا ويحفظ عيال العود=ويحفظ ديرةٍ ما حلها يا كود الاجوادي
مادام إنّا في دون الدار حراس وحرس وجنود=بيبطي عظم ما حقق بها الطماع ما رادي
عواض لافي=
زمان (ن) ياوسيع العرف بيضه عودن للسود=والا ياكثر مانسمع على التلفاز والرادي
تقوله مير عان السم في شرق البلد موجود=عصاة(ن) يتبعون ابليس وابليس العور غادي
الحجيري=
في تال الوقت يا عواض صارنّ النعاج آسود=لكنّ البحر الأحمر ما يهاب محيطه الهادي
ياليت الشرق مثل الغرب مير النقص غير الزود=ياليت الأمر لي والله لأنظّفّ منهم بلادي
عواض لافي=
في تال الوقت ياحربي زمانك يصنع المقرود=كثيرالقوم يمشي مير في ممشاه متحادي
ليا ثارت وصارت ياصحيبي شعله وبارود=عليه بالحرام ان طردته هي غاية مرادي

الشرف لنا يابن العم في محاورة شرواك يالجزل
الى لقاء اخر وانت طيب ان شاء الله
شكرا لكل من مر من هنا
لا عدمناكم

صحت السنتمك وبيض الله وجيهكم
محاورة جزلة وكلكم شعار كبار

صح بدنك يالعطيب

والله لايهينك ع المرور