طاري أشواق (غزل)

السلام عليكم
اٍخواني اٍليكم هذه الغزليه اَملاً أن تحوز على رضاكم
أقول:

يامل قلب يرجفه طاري أشواق=رجف الزلازل والرعد والبراكين
من روعت قلبي بتوديع وفراق=واقفت وانا دمعي سكايب من العين
ليت الهوى عقد يوقع وميثاق=حتى مايلعب في حقوق الضعيفين
ياكم هواوي عرض الروح الازهاق= لعيون راعات العيون المزايين
احد حصيله بالهوى جرح دفاق=ايبس جميع الاورده والشرايين
واحد حصيله بالهوى حبر واوراق=خط الرسايل متصل بين الاثنين
وانا حصيلي بالغرام التصلفاق=بين الفجوج الواسعه والضلاعين
فيها من المغرب ليا وقت الاشراق=مع ذكرياتي يوم انا صاحب الزين
وبيوت شعر مغترفها من اعماق=اشهق لي ببيتين وازفر ببيتين
مالي مثل لا احتلت القلب الاشواق =الا كما بالسجن حال المساجين
البعد موج طامي يغرق اغراق= والحب في جال البحر بيت من طين
ياليت ربي مارماني على اشواق=من سببت هل العباير من العين
ماقدرت عهد جمعنا وميثاق =مزيونةٍ تاكل حقوق الضعيفين

وسلامتكم

صح لسانك وبيض الله وجهك

كلام جميل وحس مرهف

لاخلا ولا عدم

لك خالص التقدير

فواز الزويهري صح بدنك ووجهك أبيض
مشكور يا غالي على مرورك الكريم

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك يارابح
ووجهك أبيض
وحياك الله

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك وبيض الله وجهك

صح السانك وبيض الله وجهك

فهد ابن غانم وغريب حرب و العنود
صحت ابدانكم وياهلا ومرحبا