مهداة مني للوجيه السفيره

	المشاركة الأصلية كتبت بواسطة عوض عواض الغيداني

	لو البشـر تعلـم بغيـب الليالـي=لقيت كل إنسان عـارف مصيـره لكن رحمه مـن عزيـز الجلالـي=غيب الليالي جعـل بالأمـر خيـره نركض بها الدنيا يميـن وشمالـي=نـدور الأرزاق فـي كـل ديــره نطرد ورى الدنيا بطـول الامالـي=كلٍ علـى ماقيـل يشعـب بعيـره والموت في حبل الوريـد الموالـي=من انتهى اجله سلم أمـره لغيـره ويالعبد دنيـاك آخرتهـا الزوالـي=لاتغـرك آمـال الحيـاة المثيـره حافظ على دينك ترى العمر بالـي=إعبـادة المعبـود هـي البريـره صوم وصلاه وحج وإحـذر تبالـي=في حب عـلام الخفـا والسريـره وخلـك بطاعـة والدينـك مثالـي=مرضاتهـم يالعبـد طاعـه كبيـره ووصل القريب وخل عنـك التعالـي=مقاطـع الأرحـام نـارٍ سعـيـره وخلك لربعك مدهـلٍ بكـل حالـي=وبيتـك مقـرٍ للوجيـه السفيـره بمعاشـرٍ طيـب وحلـو القبالـي=هذا يبـي شـورك وذا تستشيـره وخلك على زلات ربعـك شمالـي=لاتدور الغلطـات لوهـي صغيـره بالطيب جاز ليا حصل لـك مجالـي=ولا تجازي بالـردى مـن يثيـره وإن طاح حظك بالرخيص إخذ غالي=الرخص يرخص والحقيره حقيـره وإنهض ليا جاء واجبـك لاتبالـي=خلك مثل حد السيـوف الشطيـره ترى الشجاعه عز بيـن الرجالـي=كـلٍ يهابـك والمـذلـه معـيـره والطيب يرفع مـن مقـام العيالـي=ولا الردى راعيه يجـرح ضميـره والكذب خيبه من سلـوب الخبالـي=والصدق نـورٍ للعـوارف ونيـره والمرجله لو شفت صعبـة منالـي=الهـون مايعطيـك حبـة شعيـره تبغى جهود مضاعفـه وإحتمالـي=ماهي بحاصلةٍ على هـون سيـره وعقب التعب والصبر ترقى المعالي=وتجني ثمر صبر الزمان ومسيـره نصيحـةٍ مابغـى وراهـا ريالـي=مهـداه منـي للوجيـه السفيـره

صح لسانك وعلاء شانك

نصيحة مابغي وراها ريالي =مهداه مني للوجيه السفيره

	إلا هديه ثمينه وتسوى عندنا وزنك ذهب لاهنت وجزله من اول حرف لاخر حرف ويشهد على الله يالغالي عوض الغيداني اني اقول هذا الكلام من صدق سريره خاليه من المحباه واللي شرواك جزل المعاني فهو شرف لكل حربي يفتخر به لاهنت اين ماكنت وفيت وكفيت سلمت ودمت وتقبل صادق مودتي لشخص الكريم